29 March 2024 11:12 AM
अँप डाउनलोड
बातम्या फ्लॅश
Bonus Share News | सुवर्ण संधी! ही कंपनी फ्री बोनस शेअर्स देणार, वेळीच एन्ट्री घेऊन फायदा घेणार? IFCI Share Price | शेअरची किंमत 39 रुपये! IFCI शेअर चार्ट पॅटर्नमध्ये सकारात्मक वाढीचे संकेत, यापूर्वी 350% परतावा दिला Infosys Share Price | इन्फोसिस शेअरला या प्राईसवर मजबूत सपोर्ट, या पातळीवर टिकल्यास अल्पावधीत उच्चांक किंमत स्पर्श करणार Mutual Fund SIP | मार्ग श्रीमंतीचा! या 10 म्युच्युअल फंड SIP दरवर्षी 40% ते 71% परतावा देतं आहेत, सेव्ह करा यादी Senior Citizen Saving Scheme | ज्येष्ठ नागरिकांना दर महिना मिळतील 20000 रुपये, ही योजना देईल मोठा व्याज दर Numerology Horoscope | 29 मार्च 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल Horoscope Today | तुमचे शुक्रवारचे राशिभविष्य | 29 मार्च 2024 | तुमच्या राशीनुसार तुमचा शुक्रवारचा दिवस कसा असेल जाणून घ्या
x

मुंबईतील खड्ड्यामुळे आई व तिच्या ११ महिन्याच्या बाळाचा मृत्यू

मुंबई : मुंबईतील खड्यांमुळे अजून २ निरपराध प्रवाशांनी आपले प्राण गमावले आहेत. प्रवासादरम्यान रस्त्यावर अचानक समोर आलेला खड्डा चुकवण्याच्या प्रयत्नात रस्त्यावरून दुचाकी घसरून झालेल्या अपघातामध्ये आई आणि तिच्या ११ महिन्यांच्या बाळाचा दुर्दैवी मृत्यू झाला आहे. त्या मुलाचे पिता सुद्धा जबर जखमी झाले आहेत. गोवंडी प्रवासादरम्यान नुकताच हा अपघात घडला आहे. दुर्दैवी मृत्यू झालेल्या आईचे नाव पूजा आणि ११ महिन्याच्या चिमुकल्याच नाव समर्थ असल्याचं समजतं. तर पिता प्रमोद घडशी हे सुद्धा गंभीर जखमी झाले आहेत. याप्रकरणी देवनार पोलिस ठाण्यात अपघाती मृत्यूची नोंद करण्यात आली आहे.

जखमी झालेले मोद घडशी हे कांजूरमार्ग येथील द्वारकामाई हाऊसिंग सोसायटीमध्ये त्यांच्या सासुरवाडीला वास्तव्यास होते. दरम्यान, घडशी कुटुंबियांचे मानखुर्द येथे घर असून त्याठिकाणी पत्नी आणि मुलासह ते त्यांच्या दुचाकीने शनिवारी गेले होते. मध्यरात्री एकच्या सुमारास ते पुन्हा परतत असताना त्यांच्यामागे महापालिकेचा डम्परचालक जोरात हॉर्न वाजवत घडशी यांच्या दुचाकीजवळ आला. परंतु, काळोखात हॉर्नच्या आवाजाने दचकलेल्या प्रमोद यांनी मानखुर्द घाटकोपर लिंक रोडवर, लोटस जंक्शनजवळ दुचाकी बाजूला घेण्याचा प्रयत्न केला.

परंतु, नेमका त्याचवेळी समोरचा खड्डा चुकवण्याचाही प्रयत्न केला. परंतु, त्या गडबडीत त्यांचा बाईकवरील ताबा सुटला आणि तिघे सुद्धा खाली कोसळले. मात्र दुर्दैवाने डम्पर अगदी जवळ असल्याने पूजा आणि समर्थ हे दोघेसुद्धा डंपरखाली चिरडले गेले. तिघांनाही पोलिस आणि नागरिकांनी रुग्णालयात नेले. मात्र त्याआधीच पूजा आणि समर्थला डॉक्टरांनी मृत घोषित केले होते.

हॅशटॅग्स

#Shivsena(1170)

संबंधित बातम्या

राहुन गेलेल्या बातम्या

x