29 March 2024 6:23 PM
अँप डाउनलोड
बातम्या फ्लॅश
Numerology Horoscope | 30 मार्च 2024 | तुमची जन्म तारीख किती? अंकज्योतिष शास्त्र सांगेल तुमचा शनिवारचा दिवस कसा असेल Horoscope Today | तुमचे शनिवारचे राशिभविष्य | 30 मार्च 2024 | तुमच्या राशीनुसार तुमचा शनिवारचा दिवस कसा असेल जाणून घ्या Adani Power Share Price | अदानी पॉवर आणि रिलायन्स इंडस्ट्रीजमध्ये मोठा करार, शेअरमध्ये मजबूत वाढीचे संकेत Skipper Share Price | अल्पावधीत 510 टक्के परतावा देणारा शेअर खरेदीला ऑनलाईन धावपळ, नेमकं कारण काय REC Share Price | 1 वर्षात REC शेअरने 292% परतावा दिला, आता एका सकारात्मक बातमीने शेअर्स खरेदीला गर्दी Reliance Share Price | खुशखबर! भरवशाचा रिलायन्स इंडस्ट्रीज शेअर देईल 55 टक्केपर्यंत परतावा, तज्ज्ञांकडून फायद्याचे संकेत Reliance Power Share Price | शेअरची किंमत 28 रुपये, अवघ्या 15 दिवसांत 40% परतावा देणारा स्टॉक लवकरच मल्टिबॅगर?
x

राज-पवारांच्या विमान प्रवासावर टीका, आज उद्धव ठाकरे-चंद्रकांत पाटील एकाच गाडीने प्रवास

नाशिक : शिवसेना दिल्ली ते गल्ली भाजपसोबत सत्तेत बसून राज्यात तब्बल १२ मंत्रिपद उपभोगत आहे आणि केंद्रात एक कॅबिनेट मंत्रिपद आहे. परंतु, स्वबळाचा नारा देताना शिवसेनेचे पक्ष प्रमुख उद्धव ठाकरे दिल्ली ते गल्लीपर्यंत भाजपच्या नेत्यांवर टीका आणि आगपाखड करण्याची एकही संधी सोडत नाहीत. परंतु आज नाशिक दौऱ्यावर आलेल्या शिवसेना पक्षप्रमुखांनी चक्क महसूलमंत्री चंद्रकांत पाटील यांच्यासोबत एकाच गाडीतून प्रवास केला. त्यांच्यासोबत मिलिंद नार्वेकर सुद्धा गाडीत होते.

त्यात महत्वाची गोष्ट म्हणजे या दोन्ही नेत्यांच्या वेगवेगळ्या गाड्यांचा ताफा सोबत असताना दोघांनी स्वतःच्या गाड्यांचा ताफा सोडून दुसऱ्याच गाडीतून एकत्र प्रवास केला. त्यामुळे युतीचं पहिल पाऊल नाशिकमध्ये पडल्याची चर्चा राजकीय वर्तुळात सुरु झाली आहे. शिवसेनेचे आमदार अनिल कदम यांच्या विकासकामांचं नाशिकमध्ये उद्घाटन करण्यासाठी ते नाशिक दौर्यावर आले होते. त्या कार्यक्रमाच्या निमित्ताने उद्धव ठाकरे आणि चंद्रकांत पाटील स्वतःचे खासगी गाड्यांचे ताफे सोडून दुसऱ्याच गाडीत एकत्र का बसले अशी चर्चा रंगली आहे.

मनसे अध्यक्ष राज ठाकरे आणि राष्ट्रवादीचे सर्वेसेवा शरद पवार यांनी औरंगाबादवरुन मुंबईकडे परतताना एकाच विमानाने प्रवास केला होता. त्यावेळी त्यांच्या मनोमिलनाच्या बातम्या पसरल्या होत्या. त्यामुळे आजच्या उद्धव ठाकरे आणि चंद्रकांत पाटील यांच्या एकाच गाडीतून प्रवास करण्यामुळे शिवसेना आणि भाजपच्या निवडणुकीआधी मनोमिलनाच्या चर्चा रंगल्या आहेत.

हॅशटॅग्स

#UddhavThackeray(413)

संबंधित बातम्या

राहुन गेलेल्या बातम्या

x