शक्तिकांत दास यांची आरबीआयच्या गव्हर्नरपदी निवड

नवी दिल्ली : आरबीआयच्या गव्हर्नरपदी शक्तिकांत दास यांची नियुक्ती झाली आहे. शक्तिकांत दास हे माजी केंद्रीय अर्थ सचिव आहेत. सध्या ते अर्थ आयोगाचे सदस्य म्हणून कार्यरत आहेत. कालच उर्जित पटेल यांनी तडकाफडकी गव्हर्नरपदाचा राजीनामा दिल्याने अर्थव्यवस्थेत खळबळ माजली होती.

त्यानंतर उर्जित पटेल यांची जागी कोणाची वर्णी लागणार याकडे अर्थजगताचे लक्ष लागून राहिले होते. त्यानंतर अखेर आज माजी केंद्रीय अर्थ सचिव असलेल्या शक्तिकांत दास यांची आरबीआयच्या गव्हर्नरपदी पुढील ३ वर्षांसाठी नियुक्ती करण्यात आल्याचे वृत्त आहे. शक्तिकांत दास यांची नियुक्ती झाली असली तरी त्यांच्यापुढे खूप अडचणी असल्याचे सध्याच्या परिस्थितीवरून आणि चालू घडामोडीवरून दिसत आहे.

Reuters: Former finance secretary and current member of the finance commission Shaktikanta Das has been appointed as the Governor of the Reserve Bank of India (RBI). pic.twitter.com/EGgTsXvjd6

— ANI (@ANI) December 11, 2018