अयोध्याप्रकरणी सुप्रीम कोर्टात आज महत्त्वपूर्ण सुनावणी

नवी दिल्ली : अयोध्याप्रकरणी सुप्रीम कोर्टात आज म्हणजे 4 जानेवारीला महत्वपूर्ण सुनावणी होणार आहे. सीजेआय रंजन गोगोई यांच्या अध्यक्षतेखाली ३ न्यायमूर्तींच्या खंडपीठामध्ये सुनावणी पार पडणार आहे.

दरम्यान, सुप्रीम कोर्टाने नोव्हेंबरमध्ये सदर प्रकरणाशी संबंधित याचिकांवर लवकर सुनावणी घेण्यास स्पष्ट नकार दिला होता. त्यानुसार प्रकरणात जानेवारीपासून सुनावणी करण्याचा निर्णय घेण्यात आला आहे. कोर्टाकडे सध्या इतर प्रकरणं सुद्धा असल्याचे नमूद करण्यात आले होते.

अलाहाबाद हायकोर्टाच्या ३ सदस्यीय खंडपीठाने ३० सप्टेंबर २०१० मध्ये २.७७ एकर जमीन ३ पक्षकारांमध्ये म्हणजेच सुन्नी वक्फ बोर्ड, निर्मोही आखाडा आणि राम लल्ला यांच्यामध्ये समान वाटण्याचा महत्वपूर्ण निर्णय दिला होता. त्याच निर्णयाविरोधात १४ पेक्षा अधिक याचिका न्यायालयात दाखल करण्यात आल्या होत्या. दरम्यान, सुप्रीम कोर्टाने ९ मे २०११ मध्ये या निर्णयाला स्थिगिती दिली होती.

Supreme Court will take up the Ram Janmabhoomi-Babri Masjid case along with public interest litigation questioning delay in the adjudication of the matter on Friday

Read @ANI story | https://t.co/f5pFGbigAz pic.twitter.com/IgWBvTzlPs

— ANI Digital (@ani_digital) January 4, 2019