28 March 2024 6:25 PM
अँप डाउनलोड
बातम्या फ्लॅश
Numerology Horoscope | 29 मार्च 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल Horoscope Today | तुमचे शुक्रवारचे राशिभविष्य | 29 मार्च 2024 | तुमच्या राशीनुसार तुमचा शुक्रवारचा दिवस कसा असेल जाणून घ्या HDFC Mutual Fund | पगारदारांनो! येथे पैसा गुंतवा, या 3 म्युच्युअल फंड योजनेत 1000 टक्क्याहून अधिक परतावा मिळेल Lloyds Enterprises Share Price | शेअरची किंमत 27 रुपये! अल्पावधीत 2337% परतावा दिला, करोडोत कमाई करणार? Gravita Share Price | शेअर असावा तर असा! 4 वर्षांत दिला 2700% परतावा, आता अल्पावधीत 29% परतावा देईल HLV Share Price | 26 रुपयाचा शेअर करतोय मालामाल, अल्पावधीत 650% परतावा, पुन्हा अप्पर सर्किटवर Adani Green Share Price | अदानी ग्रीन शेअर चार्टवर मोठे संकेत, शेअरमध्ये बंपर तेजी येणार, किती फायदा होईल?
x

Eknath Shinde | शिंदेंच्या नावाने 'भाजपने दिले स्क्रिप्टेड प्रस्ताव'? | सत्तेसाठी कोणाकडे किती संख्याबळ पहा

Eknath Shinde

Eknath Shinde | महाराष्ट्राच्या राजकारणात आज खूप मोठा भूकंप घडू शकतो. कारण महाविकास आघाडी सरकार संकटात सापडलं आहे. शिवसेनेचे बडे नेते एकनाथ शिंदे यांनी 35 आमदारांसह पक्षाविरोधात बंड पुकारलं आहे. शिवसेनेकडून एकनाथ शिंदे यांची मनधरणी करण्याचा सर्वोतोपरी प्रयत्न सुरु आहे. विशेष म्हणजे मुख्यमंत्री उद्धव ठाकरे यांचे जवळचे सहकारी मिलिंद नार्वेकर हे स्वत: एकनाथ शिंदे यांची समजूत काढण्यासाठी गुजरातला गेले आहेत. गुजरातच्या एका फाईव्ह स्टार हॉटेलमध्ये एकनाथ शिंदे हे त्यांच्या समर्थक आमदारांसह थांबले आहेत.

मिलिंद नार्वेकर आणि एकनाथ शिंदेंची भेट :
तिथे मिलिंद नार्वेकर त्यांची भेट घेण्यासाठी गेले. विशेष म्हणजे नार्वेकर गेले तेव्हा त्यांना हॉटेलमध्ये आत प्रवेश दिला गेला नाही. हॉटेल प्रशासनासोबत बराच वेळ चर्चा केल्यानंतर अखेर एकनाथ शिंदे हे मिलिंद नार्वेकर यांच्यासोबत चर्चा करण्यासाठी तयार झाले. दोन्ही नेत्यांमध्ये सलग अर्धा तास चर्चा झाली. या बैठकीत एकनाथ शिंदे यांनी शिवसेनेत परतण्याची इच्छाच नसल्याचं मत व्यक्त केलं. त्यामुळे शिवसेनेसाठी पुढची वाट ही प्रचंड खडतर असल्याचं मानलं जात आहे.

एकनाथ शिंदे 35 आमदारांसह सत्तेतून बाहेर :
एकनाथ शिंदे 35 आमदारांसह सत्तेतून बाहेर पडलं तर महाविकास आघाडी कोसळण्याची दाट शक्यता आहे. याशिवाय यामुळे शिवसेनेत मोठी फूट पडण्याची शक्यता आहे. अशा स्थितीत एकनाथ शिंदे यांच्या बंडखोरीनंतर मुख्यमंत्री उद्धव ठाकरे यांच्यापुढे सत्ता टिकविण्याचे आव्हान निर्माण झाले आहे.

विधानसभेत भाजपचे 106 आमदार :
महाराष्ट्रातील राज्यसभा निवडणुकीनंतर विधानपरिषद निवडणुकीतही महाविकास आघाडी सरकारमध्ये सहभागी असलेल्या पक्षांच्या आमदारांनी क्रॉस व्होटिंग केल्याचं समोर आलं होतं. विधानसभेत भाजपचे 106 आमदार आहेत. अपक्षांसह ही संख्या 113 पर्यंत पोहोचली होती. पण भाजपने राज्यसभा निवडणुकीत 123 आणि विधान परिषद निवडणुकीत 134 मते मिळवली होती.

महाराष्ट्र विधानसभेचं नेमकं गणित काय :
महाराष्ट्र विधानसभेत एकूण 288 सदस्य आहेत. त्यामुळे सरकार स्थापन करण्यासाठी 145 आमदारांची गरज आहे. शिवसेनेच्या एका आमदाराचा मृत्यू झाल्याने आता 287 आमदार उरले असून सरकार स्थापन करण्यासाठी 144 आमदारांची गरज आहे. बंडखोरीपूर्वी शिवसेनेच्या नेतृत्वाखालील महाविकास आघाडीला 169 आमदारांचा पाठिंबा होता, तर भाजपकडे 113 आमदार आणि 5 अन्य आमदार विरोधी पक्षात होते.

महाविकास आघाडीचे संख्याबळ किती :
उद्धव ठाकरे यांच्या नेतृत्वाखालील सरकारला 169 आमदारांचा पाठिंबा होता. यात शिवसेनेच्या 56, राष्ट्रवादीच्या 53 आणि काँग्रेसच्या 44 आमदारांचा समावेश आहे. याशिवाय सरकारला सपाचे 2, पीजीपीचे 2, बविआचे 3 आणि 9 अपक्ष आमदारांचा पाठिंबा होता.

भाजपचे 113 आमदार :
महाराष्ट्रातील प्रमुख विरोधी पक्ष भाजपला 113 आमदारांचा पाठिंबा आहे. यामध्ये भाजपचे 106, रासप 1, जेएसएसचे 1 आणि 5 अपक्षांचा समावेश आहे. विधानसभेत इतर पक्षांचे 5 आमदार आहेत. यामध्ये AIMIM चे 2, CPI(M) 1 आणि MNS च्या 1 आमदारांचा समावेश आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Eknath Shinde political proposal to Shivsena chief Uddhav Thackeray check details 21 June 2022.

हॅशटॅग्स

#Eknath Shinde(96)

संबंधित बातम्या

राहुन गेलेल्या बातम्या

x