VIDEO - लोकसभेचा निकाल लागला आणि गोरक्षकांचे हल्ले पुन्हा सुरु

भोपाळ : भाजपने २३ मे रोजी दणदणीत विजय प्राप्त केला आणि त्यांच्या समर्थकांचा धिंगाणा पुन्हा सुरु झाल्याचं चित्र पाहायला मिळत आहे. सदर घटना मध्य प्रदेशातील असल्याचं समजतं आहे. व्हिडिओ २-३ दिवसांपूर्वीचा आहे आणि ही घटना मध्य प्रदशातील शिवणी जिल्ह्यातील असल्याचे वृत्त टाइम्सनाऊ’ने प्रसिद्ध केले आहे. श्रीराम सेनेचे हे गोरक्षक रिक्षाने बीफ घेऊन जाणाऱ्या मुल्सिम युवकाला लाठ्या काठ्यांनी बेदम मारहाण केल्याचे वृत्त आहे.

दरम्यान, सोबत असलेल्या महिलेला देखील चप्पलने मारहाण करण्यात आली आहे. मारहाण करणाऱ्यांमध्ये श्रीराम सेनेचा स्थानिक प्रमुख शुभम बघेल देखी असल्याचं वृत्त स्थानिक वृत्तपत्रांनी स्पष्ट केलं आहे. तसेच मारहाणीचा व्हिडिओ समाज माध्यमांवर प्रसिद्ध होताच स्थानिक पोलीस लगेच कामाला लागले असून कसून शोध केल्यानंतर ५ आरोपींचा सुगावा लागला आणि त्यांना ताब्यात घेण्यात आले आहे. तसेच जप्त करण्यात आलेलं बीफ देखील फॉरेन्सिक लाभला तपासासाठी पाठवण्यात आलं आहे.

Gau Rakshaks on the prowl part two pic.twitter.com/xLdXsRFJky

— Hemender Sharma (@delayedjab) May 24, 2019