29 March 2024 9:18 PM
अँप डाउनलोड
बातम्या फ्लॅश
Numerology Horoscope | 30 मार्च 2024 | तुमची जन्म तारीख किती? अंकज्योतिष शास्त्र सांगेल तुमचा शनिवारचा दिवस कसा असेल Horoscope Today | तुमचे शनिवारचे राशिभविष्य | 30 मार्च 2024 | तुमच्या राशीनुसार तुमचा शनिवारचा दिवस कसा असेल जाणून घ्या Adani Power Share Price | अदानी पॉवर आणि रिलायन्स इंडस्ट्रीजमध्ये मोठा करार, शेअरमध्ये मजबूत वाढीचे संकेत Skipper Share Price | अल्पावधीत 510 टक्के परतावा देणारा शेअर खरेदीला ऑनलाईन धावपळ, नेमकं कारण काय REC Share Price | 1 वर्षात REC शेअरने 292% परतावा दिला, आता एका सकारात्मक बातमीने शेअर्स खरेदीला गर्दी Reliance Share Price | खुशखबर! भरवशाचा रिलायन्स इंडस्ट्रीज शेअर देईल 55 टक्केपर्यंत परतावा, तज्ज्ञांकडून फायद्याचे संकेत Reliance Power Share Price | शेअरची किंमत 28 रुपये, अवघ्या 15 दिवसांत 40% परतावा देणारा स्टॉक लवकरच मल्टिबॅगर?
x

वरळी की शिवडी विधानसभा? आदित्य ठाकरे विधानसभा निवडणुकीच्या आखाड्यात उतरणार?

MNS Shivsena, Raj Thackeray, Aditya Thackeray, Bala Nandgaonkar, Maharashtra Assembly Election 2019

मुंबई : मागील काही दिवसांपासून युवासेनेचे अध्यक्ष आदित्य ठाकरे प्रत्यक्ष निवडणुकीच्या रिंगणात उतरणार असल्याची राजकीय चर्चा रंगली होती. मात्र प्रत्यक्ष ते अधिकृतपणे शिवसेनेमध्ये कोणीही बोलण्यास तयार नाही. परंतु आदित्य ठाकरे विधानसभा निवडणुकीच्या रिंगणात उतरणार असल्याचं खात्रीलायक वृत्त प्रसार माध्यमांच्या हाती आहे. त्यासाठी वरळी किंवा शिवडी विधानसभा मतदारसंघ निश्चित करण्यासाठी अंतर्गत चाचपणी सुरु आहेत.

दरम्यान आदित्य ठाकरे महाराष्ट्र विधानसभेची निवडणूक लढण्याच्या तयारीत आहेतच, परंतु त्यांनी लोकसभा निवडणूक लढवण्यास अधिक उत्सुकता दाखवली होती असं शिवसेनेतील नेत्यांनी नाव ना सांगण्याच्या अटीवर भाष्य केलं आहे. दरम्यान, “आदित्य ठाकरे यांना लोकसभा निवडणूक लढवायची होती, पण आदित्य ठाकरेंनी इतक्यात लोकसभा लढवू नये असा सल्ला शिवसेनेच्या वरिष्ठ नेत्यांनी उद्धव ठाकरे यांना विचाराअंती दिला होता. विशेष म्हणजे स्वतः उद्धव ठाकरे यांची देखील तीच इच्छा होती. मात्र स्वतः आदित्य ठाकरे त्यावेळी लोकसभा निवडणूक लढविण्यावर ठाम होते.

मात्र काही दिवसांपूर्वी मुख्यमंत्री देवेंद्र फडणवीस यांनी आदित्य ठाकरे यांना विधानसभा लढविण्याचा सल्ला दिला. त्यामुळे अखेर आदित्य ठाकरे यांनी मुख्यमंत्र्यांचा सल्ला मनावर घेतला आणि त्यांच्यासाठी शिवसेनेकडून विधानसभा मतदार संघाचा शोध सुरु झाला असं समजतं. त्यावेळी प्राथमिक निष्कर्षानंतर हायप्रोफाईल वरळी विधानसभा मतदारसंघ आणि त्याबाजूचा शिवडी विधानसभा मतदारसंघ असे २ मतदारसंघ निश्चित करण्यात आले आहेत, अशी माहिती प्रसार माध्यमांना नाव न सांगण्याच्या अटीवर देण्यात आली. मात्र शिवडीच्या सध्या शिवसेनेचे आमदार असले तरी २०१४ मध्ये मोदी लाटेत शिवसेनेला फायदा झाला होता. दरम्यान याच मतदारसंघात मनसेचे वरिष्ठ नेते आणि राज ठाकरे यांचे अत्यंत विश्वासू शिलेदार आणि माजी आमदार बाळा नांदगावकर यांची देखील मोठी ताकद आहे. त्यामुळे शिवसेना अधिक धोका उचलेल अशी शक्यता कमी आहे. मात्र जर वरळी पेक्षा शिवसेनेने शिवडीला प्राधान्य दिलातर मात्र तुंबळ युद्ध पाहायला मिळेल अशी शक्यता अधिक आहे.

संबंधित बातम्या

राहुन गेलेल्या बातम्या

x