29 March 2024 6:00 AM
अँप डाउनलोड
बातम्या फ्लॅश
Numerology Horoscope | 29 मार्च 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल Horoscope Today | तुमचे शुक्रवारचे राशिभविष्य | 29 मार्च 2024 | तुमच्या राशीनुसार तुमचा शुक्रवारचा दिवस कसा असेल जाणून घ्या HDFC Mutual Fund | पगारदारांनो! येथे पैसा गुंतवा, या 3 म्युच्युअल फंड योजनेत 1000 टक्क्याहून अधिक परतावा मिळेल Lloyds Enterprises Share Price | शेअरची किंमत 27 रुपये! अल्पावधीत 2337% परतावा दिला, करोडोत कमाई करणार? Gravita Share Price | शेअर असावा तर असा! 4 वर्षांत दिला 2700% परतावा, आता अल्पावधीत 29% परतावा देईल HLV Share Price | 26 रुपयाचा शेअर करतोय मालामाल, अल्पावधीत 650% परतावा, पुन्हा अप्पर सर्किटवर Adani Green Share Price | अदानी ग्रीन शेअर चार्टवर मोठे संकेत, शेअरमध्ये बंपर तेजी येणार, किती फायदा होईल?
x

तिवरे धरणाचे ठेकेदार सेना आमदार सदानंद चव्हाणांविरुद्ध गुन्हा दाखल करा, विरोधकांची मागणी

Shivsena, Uddhav Thackeray, Aaditya Thackeray, Tivare Dam Scam, Shivsena party

चिपळूण : चिपळूण तालुक्यातील तिवरे धरण फुटल्यानंतर आता राजकीय आरोप-प्रत्यारोप होऊ लागले आहेत. हे धरण बांधलेली खेमराज कन्ट्रक्शन कंपनी आरोपीच्या पिंजऱ्यात आहे. महत्त्वाचं म्हणजे खेमराज कन्ट्रशन कंपनी चिपळूणचे शिवसेना आमदार सदानंद चव्हाण आणि त्यांच्या बंधूची आहे. धरणाला लागलेल्या गळतीप्रकरणी आता खेमराज कन्ट्रक्शन कंपनी जवाबदार असल्याचे आरोप होत आहे.

पण हे सर्व आरोप आमदार सदानंद चव्हाण यांनी फेटाळून लावलेत. तिवरे धरण मातीचे बांधण्यात आले होते. तब्बल २० वर्षानंतर धरण बांधलेल्या कंपनीला कसं काय दोषी धरलं जावू शकतं, असा सवाल सदानंद चव्हाण यांनी उपस्थित केला आहे. शिवाय आपण लोकप्रतिनिधी असल्यानं आपल्याला गुंतवलं जात असल्याचा आरोप सदानंद चव्हाण यांनी केला. खेमराज कनस्ट्रकशन यात दोषी नसल्याचा दावा यावेळी प्रसार माध्यमांशी बोलताना त्यांनी केला. शिवाय अधिकाऱ्यांनी या धरणाच्या डागडुजीसंदर्भात योग्य ती पावले उचलायला हवी होती असंही त्यांनी नमूद केलं.

दरम्यान, चिपळूणचे शिवसेना आमदार सदानंद चव्हाण हे तिवरे धरणाचे ठेकेदार असल्याने त्यांच्यावर गुन्हा दाखल करा, अशी मागणी विरोधी पक्षनेते विजय वडेट्टीवार यांनी केली आहे. तसेच धरण फुटल्यामुळे झालेले मृत्यू हे सरकारच्या अनास्थेचे बळी असून सरकारवर ३०२चा गुन्हा दाखल करावा अशी मागणीही त्यांनी केली आहे. मागील तीन-चार दिवसांपासून कोसळणाऱ्या मुसळधार पावसामुळं ओसंडून वाहणाऱ्या तिवरे धरणाला भगदाड पडून ते फुटले. यामुळे धरणाच्या परिसरातील गावे पाण्याखाली गेल्याने हाहाकार माजला आहे. या दुर्घटनेत १३ घरे पाण्याखाली गेली तर २४ जण बेपत्ता आहेत.

दरम्यान शिवसेनेचे आमदार सदानंद चव्हाण यांच्या कंपनीने धरणाचे बांधकाम केले होते. त्यामुळे आमदारांसह संबंधित कंपनीवर गुन्हा दाखल करावा, अशी मागणीही वडेट्टीवार यांनी केली आहे. तसेच नैतिक जबाबदारी घेऊन जलसंपदा मंत्री गिरीष महाजन यांनी राजीनामा द्यावा असेही वडेट्टीवार म्हणाले. तिवरे धरणाला तडे गेल्याबाबत गावकरयांनी तक्रार केली होती, अशी कबुली गिरीष महाजन यांनी दिली आहे. तसेच याप्रकरणी चौकशीचे आदेशही गिरीष महाजन यांनी दिल्याचे सांगितले.

हॅशटॅग्स

#Shivsena(1170)#udhav Thakarey(405)

संबंधित बातम्या

राहुन गेलेल्या बातम्या

x