बोलबच्चन! २०१० ला मेट्रो'ने माझ्या 'प्रायव्हसी'वर आक्रमण; मग त्या २१९ प्रजातींची प्रायव्हसी? - सविस्तर
मुंबई: सध्या मुंबईतील मेट्रो३ च्या कारशेडमुळे मुंबईतील वातावरण तापलं असून हजारो मुंबईकर रस्त्यावर उतरून आरेतील कारशेड इतरत्र हलवण्यासाठी आंदोलन करत आहेत. आरे येथे मेट्रो कारशेड बांधण्याबाबत बाधित होणाऱ्या व्यक्तींकडून हरकती सूचना मागिवल्या होत्या, त्यावर ‘झटका डॉट कॉम’ या संकेतस्थळावरून प्राप्त झालेल्या ८० हजार तक्रारींबाबत अश्विनी भिडे यांनी शंका व्यक्त केली. कार शेड तिथून हटवा, झाडे तोडू नका, अशा एकाच प्रकारच्या तक्रारी होत्या. खऱ्या तक्रारी असतील तर त्याबाबत काही आक्षेप नाही, परंतु संख्या वाढवून दाखविणे, हा प्रकार चुकीचा आहे. त्यामुळे एवढय़ा मोठय़ा प्रमाणावर तक्रारी करणारी माणसे आहेत का, अशी शंका घ्यायला वाव आहे. तरीही मेट्रो कारशेडसाठी आरेची जागा का निवडली, झाडे तोडली तर भरपाई म्हणून आम्ही काय करणार आहोत, याबाबत त्या सर्व ८० हजार तक्रारींना उत्तरे दिली आहेत, अशी माहिती त्यांनी दिली.
दरम्यान काल सकाळी अकराच्या सुमारास अमिताभ बच्चन यांनी एक ट्विट करत अनुभव सांगितला. त्यात त्यांनी म्हटलं, ‘माझ्या एका मित्राने मेडिकल इमर्जन्सीमुळे स्वतःच्या कारने प्रवास करण्यापेक्षा मेट्रोने प्रवास करणं पसंत केलं, परत आल्यावर तो मेट्रोच्या वेगवान, सुलभ आणि कार्यक्षमतेमुळे प्रभावित झाला, हे प्रदूषणावर उपाय..झाडे लावा…मी माझ्या बागेत केलं आहे….तुम्ही’. विशेष म्हणजे अब्जाधीश अमिताभ बच्चन यांचे मित्र देखील सार्वजनिक प्रवासाची साधनं वापरतात हे देशाला काल समजलं. इतकंच नाही तर मेडिकल इमेजन्सीमध्ये असलेल्या मित्राने सर्व इमर्जन्सी विसरत त्या अवस्थेत देखील अमिताभ बच्चन यांना मेट्रोचे प्रचंड फायदे सांगण्यासाठी संपर्क साधला, जेणेकरून ते मुंबईकरांसोबत तो अद्भुत अनुभव शेअर करू शकतील.
T 3290 – Friend of mine had a medical emergency, decided to take METRO instead of his car .. came back very impressed .. said was faster, convenient and most efficient .. ????
Solution for Pollution ..
Grow more trees .. I did in my garden .. have you ❤️— Amitabh Bachchan (@SrBachchan) September 17, 2019
मात्र अमिताभ बच्चन हे किती स्वार्थी आणि दुप्पटी स्वभावाचे आहेत याचा पुरावाच आम्ही देत आहोत. २०१० मध्ये याच मुंबई मेट्रोवर आगपाखड करणारे बच्चन आज २०१९ मध्ये स्वतःच्या स्वार्थासाठी आणि कोणाच्यातरी सांगण्यावरून सर्वकाही करत आहेत असं अनेकांनी वाटू लागलं आहे. म्हणजे २०१० मध्ये मुंबई मेट्रो प्रतीक्षा बंगल्यावरून जाणार असं समजताच त्यांनी भला मोठा ब्लॉग लिहून संताप व्यक्त करताना म्हटलं होतं, ‘परंतु इथे मारेकरी आहेत! ते प्रतिक्षावरून बंगल्यावरून जाणार! टाटा प्रायव्हसी आणि नमस्कार सहकारी प्रवासी…असं त्यांनी ब्लॉगमध्ये खोचकपणे म्हटलं होतं.
२८ ऑगस्ट २०१० साली त्यांनी संताप व्यक्त करणारा ब्लॉग लिहून भावना व्यक्त केल्या होत्या आणि त्यावर लोकांच्या प्रतिक्रिया मागवल्या होत्या. तो संपूर्ण ब्लॉग तुम्ही येथे वाचू शकता…अमिताभ बच्चन यांचा तो ब्लॉग वाचण्यासाठी येथे क्लीक करा.
त्यावेळी बॉलिवूडचे सुपरस्टार अमिताभ बच्चन यांनी संताप व्यक्त करत मुंबईतील ‘प्रीतीक्षा’ या त्यांच्या घरावरून जाणाऱ्या मेट्रो ट्रेनमुळे आमची प्रायव्हसी संपुष्टात येणार आहे असं म्हणत प्रवाशांना (मुंबईकर) देखील ब्लॉगमध्ये टोला हाणला होता. मात्र स्वतःच्या कुटुंबाच्या प्रायव्हसीवर बोलणाऱ्या अमिताभ बच्चन यांनी स्वतःचे प्रश्न नव्या सरकारने सोडवताच याच मेट्रोच्या आरेतील कारशेड’मुळे जंगलातील २१९ दुर्मिळ प्राणांच्या प्रजातींचा प्रायव्हसीवर कानाडोळा करत, सरकार आणि प्रशासनाच्या मागील आठवड्यापासून नियोजनबद्ध सुरु असलेल्या अभियानामध्ये सहभाग घेतल्याचं अनेकांनी म्हटलं आहे. त्यामुळे अमिताभ हे निसर्ग आणि मुंबईच्या बाबतीत केवळ स्वार्थी आणि बोलबच्चन असल्याचं उघड होतं आहे.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Gold Rate Today | बापरे! लग्नासराईच्या दिवसातही सोनं खरेदी करणं परवडणार नाही, लवकरच 1 लाख रुपये तोळा होणार
- Numerology Horoscope | 17 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- Reliance Power Share Price | अवघ्या 4 वर्षात 2325 टक्के परतावा दिला, शेअर प्राईस 26 रुपये, पुढे तेजी येणार का?
- Reliance Infra Share Price | 2 दिवसात रिलायन्स इन्फ्रा शेअर 36 टक्के घसरला, पण स्टॉकला 'या' प्राईसवर सपोर्ट
- Varun Beverages Share Price | मार्ग श्रीमंतीचा! या शेअरने अल्पावधीत दिला 50% परतावा, स्टॉक पुढे किती फायद्याचा?
- Ambuja Cement Share Price | अदानी ग्रुपचा सिमेंट शेअर! कंपनीने नवीन अपडेट दिली, शेअर 35 टक्के वाढणार
- Tinna Rubber Share Price | श्रीमंत करतोय हा शेअर! 3 वर्षात 1 लाख रुपयाच्या गुंवतवणुकीवर दिला 4.42 कोटी परतावा
- Lorenzini Apparels Share Price | 27 रुपयाच्या शेअरची कमाल, मल्टिबॅगर परताव्यसह स्टॉक स्प्लिट आणि बोनस शेअर्सचा लाभ
- Numerology Horoscope | 16 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा मंगळवारचा दिवस कसा असेल
- Numerology Horoscope | 18 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा गुरुवारचा दिवस कसा असेल