29 March 2024 10:16 AM
अँप डाउनलोड
बातम्या फ्लॅश
Mutual Fund SIP | मार्ग श्रीमंतीचा! या 10 म्युच्युअल फंड SIP दरवर्षी 40% ते 71% परतावा देतं आहेत, सेव्ह करा यादी Senior Citizen Saving Scheme | ज्येष्ठ नागरिकांना दर महिना मिळतील 20000 रुपये, ही योजना देईल मोठा व्याज दर Numerology Horoscope | 29 मार्च 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल Horoscope Today | तुमचे शुक्रवारचे राशिभविष्य | 29 मार्च 2024 | तुमच्या राशीनुसार तुमचा शुक्रवारचा दिवस कसा असेल जाणून घ्या HDFC Mutual Fund | पगारदारांनो! येथे पैसा गुंतवा, या 3 म्युच्युअल फंड योजनेत 1000 टक्क्याहून अधिक परतावा मिळेल Lloyds Enterprises Share Price | शेअरची किंमत 27 रुपये! अल्पावधीत 2337% परतावा दिला, करोडोत कमाई करणार? Gravita Share Price | शेअर असावा तर असा! 4 वर्षांत दिला 2700% परतावा, आता अल्पावधीत 29% परतावा देईल
x

शिवसेनेचे खासदार ओमराजे निंबाळकर यांच्यावर हल्ला; निंबाळकर सुखरुप

MP Omraje Nimbalkar, Pawanraje Nimbalkar, Osmanabad, Padmasinha Patil, Rana Padmasinha Patil

उस्मानाबाद: उस्मानाबाद लोकसभा मतदारसंघाचे शिवसेना पक्षाचे खासदार ओमराजे निंबाळकर यांच्यावर कळंब तालुक्यातील नायगाव पाडोळी येथे भर प्रचार सभेत चाकू हल्ला झाल्याची घटना घडली आहे. या घटनेमुळे उस्मानाबाद जिल्ह्यात एकच खळबळ माजली आहे. ओमराजे निंबाळकर प्रचार करत असताना एका युवकाने त्यांच्याशी येऊन हात मिळवला आणि नंतर दुसऱ्या हाताने त्यांच्यावर चाकू हल्ल्याचा प्रयत्न केला. मात्र निंबाळकर यांनी आपल्या हाताने हा हल्ला अडवला. यामध्ये त्यांच्या हाताला जखम झाली असून हल्ला करणारा तरूण फरार झाला आहे. दरम्यान जखमी निंबाळकर यांना उपचारासाठी रुग्णलयात दाखल करण्यात आले आहे.

या हल्ल्यानंतर एका वृत्तवाहिनीशी बोलताना स्वतः ओमराजे निंबाळकर म्हणाले की, “माझ्या हाताला थोडी दुखापत झालेली आहे. मात्र मी सुखरुप आहे. माझ्या वडिलांप्रमाणेच माझ्यावर कुणीतरी हल्ला केला असावा, अशी शक्यता त्यांनी बोलून दाखवली. गेले अनेक दिवस माझा पाठलाग होत असल्याचा मला संशय आहे. हल्ला करणारा तरुण हा कोण होता हे माहिती नाही. या घटनेने आपल्यालाही धक्का बसला आहे. आपल्या वडिलांचीही अशाच प्रकारे हत्या झालीय. मात्र आपल्यावर झालेल्या हल्ल्याची ही पहिलीच घटना आहे. मी सुखरुप आहे. पण हा हल्ला कशामुळे केला गेला. यामागे कोण आहे. याची आपल्याला कल्पना नाही. गेल्या दोन दिवसांपासून प्रचारासाठी फिरतोय. काही प्रचारसंभांमध्ये जाणूनबुजून गोंधळ घालण्याचा प्रयत्न केला गेला, असं खासदार ओमराजे निंबाळकर यांनी हल्ल्यांच्या घटनेनंतर सांगितलं.

याबाबत बोलताना ओमराजे निंबाळकर म्हणाले की, प्रचारासाठी मी नायगाव पाडोळी येथे गेलो असताना गर्दी जमली, या गर्दीतून तो तरुण माझ्याकडे आला. त्याने त्याचा एक हात माझ्या हातात मिळविला त्यानंतर दुसऱ्या हातात चाकूने वार करण्याचा प्रयत्न केला. मात्र प्रसंगावधान राहून मी त्याला पकडण्याचा प्रयत्न केला, त्यामुळे मला किरकोळ जखम झाली. मी सध्या सुखरुप आहे असं त्यांनी सांगितले.

तेरणा सहकारी साखर कारखान्याचे थकबाकी राहिली आहे यातून हा हल्ला झाला असावा असं बोललं जातं मात्र तेरणा साखर कारखान्याची थकबाकी राहिली नाही. सर्व पैसे दिलेले आहेत त्यामुळे ही माहिती चुकीची आहे. गेल्या २-३ सभेत असचं कोणाला तरी पाठवून सभेत गोंधळ घालण्याचा प्रयत्न होत होता. यामागे कोण आहे याचा अंदाज आता बांधू शकत नाही. मात्र हल्लेखोर सध्या फरार आहे. याबाबत पोलीस तक्रार केली आहे. तपासानंतर या सगळ्यांचा पाठपुरावा करुन योग्य ती माहिती समोर येईल असं ओमराजे निंबाळकर यांनी सांगितले.

हॅशटॅग्स

#Shivsena(1170)

संबंधित बातम्या

राहुन गेलेल्या बातम्या

x