29 March 2024 3:33 PM
अँप डाउनलोड
बातम्या फ्लॅश
Adani Power Share Price | अदानी पॉवर आणि रिलायन्स इंडस्ट्रीजमध्ये मोठा करार, शेअरमध्ये मजबूत वाढीचे संकेत Skipper Share Price | अल्पावधीत 510 टक्के परतावा देणारा शेअर खरेदीला ऑनलाईन धावपळ, नेमकं कारण काय REC Share Price | 1 वर्षात REC शेअरने 292% परतावा दिला, आता एका सकारात्मक बातमीने शेअर्स खरेदीला गर्दी Reliance Share Price | खुशखबर! भरवशाचा रिलायन्स इंडस्ट्रीज शेअर देईल 55 टक्केपर्यंत परतावा, तज्ज्ञांकडून फायद्याचे संकेत Reliance Power Share Price | शेअरची किंमत 28 रुपये, अवघ्या 15 दिवसांत 40% परतावा देणारा स्टॉक लवकरच मल्टिबॅगर? IREDA Share Price | टेक्निकल चार्टवर IREDA स्टॉकची सपोर्ट लेव्हल तज्ज्ञांकडून जाहीर, स्टॉक पुढे घसरणार की तेजीत येणार? NHPC Share Price | टेक्निकल चार्टवर NHPC शेअर कोणते संकेत देतोय, सकारात्मक उपडेटनंतर तज्ज्ञांनी काय सल्ला दिला?
x

हरयाणा निवडणुकीत मोदी हवा ओसरली; राहुल गांधींचा संयमी प्रचार फलदायी

haryana assembly election 2019, PM Narendra Modi, Rahul Gandhi

चंदिगड: एकतर्फी विजय मिळवून हरयाणात सत्तास्थापनेसाठी मोर्चेबांधणी करणाऱ्या भारतीय जनता पक्षाला आज जोरदात धक्का बसला. आज झालेल्या हरयाणा विधानसभेच्या मतमोजणीचा कौल त्रिशंकू लागला असून, भारतीय जनता पक्षाला ४० जागांवर समाधान मानावे लागले आहे. तर काँग्रेसने जोरदार मुसंडी मारत ३१ जागांवर विजय मिळवला आहे. हरयाणामध्ये जननायक जनता पार्टी किंगमेकर ठरली असून, जननायक जनता पार्टीने १० जागा जिंकल्या आहेत. तर इतरांच्या खात्यात ९ जागा गेल्या आहेत.

लोकसभा निवडणुकीत राज्यातील १० पैकी १० जागा जिंकल्यानंतर भाजपाने राज्यात ७५ हून अधिक जागा जिंकण्याचे लक्ष्य समोर ठेवले होते. मात्र आज मतमोजणीमधून समोर आलेले निकाल भारतीय जनता पक्षासाठी धक्कादायक होते. अखेर अटीतीच्या झुंजीनंतर भाजपाची गाडी ४० जागांवर जाऊन अडली. त्यामुळे राज्यात सर्वात मोठा पक्ष ठरूनही ९० सदस्य असलेल्या हरयाणा विधानसभेत बहुमतासाठी भारतीय जनता पक्षाला ६ जागा कमी पडल्या.

दरम्यान, निकालानंतर हरयाणा विधानसभेच्या निवडणुकीत ‘मोदी लाट’ ओसरल्याचे स्पष्टपणे दिसले. तर दुसरीकडे काँग्रेस नेते राहुल गांधी यांची ‘जादू’ दिसली. ज्या ठिकाणी नरेंद्र मोदी यांनी सभा, रॅली केली त्या ठिकाणी भाजपच्या उमेदवारांचा पराभव झाला असून राहुल गांधींनी घेतलेल्या रॅली व सभेच्या ठिकाणी काँग्रेस उमेदवार विजयी झाल्याचे दिसले आहे.

हरयाणा राज्यात लोकसभा निवडणुकीत ज्याप्रमाणे ‘मोदी मॅजिक’ दिसली होती. ती अवघ्या पाच महिन्यात ओसरल्याची स्पष्टपणे दिसले. हरयाणा विधानसभा निवडणुकीत सत्ताधारी भारतीय जनता पक्षाला जोरदार धक्का बसला आहे. या निवडणुकीत भारतीय जनता पक्षाने अब की बार ‘७५ पार’ असे लक्ष्य ठेवले होते. परंतु, भारतीय जनता पक्षाला ४० ही संख्या गाठण्यासाठी मोठी कसरत करावी लागली. हरयाणात ७५ पार हे लक्ष्य गाठण्यासाठी पंतप्रधान नरेंद्र मोदींसह गृहमंत्री अमित शहा, उत्तर प्रदेशचे मुख्यमंत्री योगी आदित्यनाथ, केंद्रीय मंत्री स्मृती ईराणी, खासदार हेमा मालिनी, खासदार सनी देओल, संरक्षणमंत्री राजनाथ सिंह, केंद्रीय मंत्री नितीन गडकरी यांच्यासारख्या दिग्गज नेत्यांसह ४० स्टार प्रचारकांनी हरयाणात प्रचार केला. तरीही भारतीय जनता पक्षाला म्हणावे तितके यश मिळाले नाही.

हरयाणा विधानसभेतील पक्षीय स्थिती अशी:

विजयी पक्ष:

भाजप ४०

काँग्रेस ३१

जेजेपी १०

आयएनएलडी १

एचएलपी १

अपक्ष ७

हॅशटॅग्स

#Narendra Modi(1665)#Rahul Gandhi(251)

संबंधित बातम्या

राहुन गेलेल्या बातम्या

x