29 March 2024 8:01 PM
अँप डाउनलोड
बातम्या फ्लॅश
Numerology Horoscope | 30 मार्च 2024 | तुमची जन्म तारीख किती? अंकज्योतिष शास्त्र सांगेल तुमचा शनिवारचा दिवस कसा असेल Horoscope Today | तुमचे शनिवारचे राशिभविष्य | 30 मार्च 2024 | तुमच्या राशीनुसार तुमचा शनिवारचा दिवस कसा असेल जाणून घ्या Adani Power Share Price | अदानी पॉवर आणि रिलायन्स इंडस्ट्रीजमध्ये मोठा करार, शेअरमध्ये मजबूत वाढीचे संकेत Skipper Share Price | अल्पावधीत 510 टक्के परतावा देणारा शेअर खरेदीला ऑनलाईन धावपळ, नेमकं कारण काय REC Share Price | 1 वर्षात REC शेअरने 292% परतावा दिला, आता एका सकारात्मक बातमीने शेअर्स खरेदीला गर्दी Reliance Share Price | खुशखबर! भरवशाचा रिलायन्स इंडस्ट्रीज शेअर देईल 55 टक्केपर्यंत परतावा, तज्ज्ञांकडून फायद्याचे संकेत Reliance Power Share Price | शेअरची किंमत 28 रुपये, अवघ्या 15 दिवसांत 40% परतावा देणारा स्टॉक लवकरच मल्टिबॅगर?
x

'आप्पा, तुमचाच वारसा चालवतो आहे'... आ. धनंजय मुंडेंची भावनिक पोस्ट

NCP MLA Dhananjay Munde, Gopinath Munde, BJP Leader Pankaja Munde

बीड: गोपीनाथ मुंडेंची गुरुवारी जयंती आहे. यानिमित्त गोपीनाथ गडावरील कार्यक्रमात पंकजा मुंडे काय बोलणार याकडे राज्याचं लक्ष लागलं आहे. विधानसभा निवडणुकीतल्या पराभवानंतर नाराज असलेल्या पंकजा मुंडे त्यांची खदखद व्यक्त करण्याची शक्यता आहे. एकंदरीतच जोरदार शक्तिप्रदर्शन करून पंकजा मुंडे पुढील डावपेचांची आखणी करणार हे नक्की.

आज होणाऱ्या मेळाव्यात नेमकं पंकजा मुंडे काय बोलणार? याकडे राजकीय वर्तुळासोबतच अनेक कार्यकर्त्यांचे लक्ष आहे. या मेळाव्यातून पंकजा मुंडे जोरदार शक्तीप्रदर्शन करणार असल्याचं सांगितलं जात आहे. पंकजा मुंडे ओबीसी समाजाची मूठ बांधून नव्या संघटनेची घोषणा करणार? मतदारसंघात पराभव झाला असला तरीही आजच्या शक्तीप्रदर्शानातून पंकजा मुंडे भारतीय जनता पक्षाला अप्रत्यक्षपणे मला पक्षात डावलता येणार नाही असा संकेत देणार? की पंकजा मुंडे भारतीय जनता पक्षाशी फारकत घेणार? या ३ महत्त्वाच्या कारणांमुळे गोपीनाथ गडाकडे सर्वांचे लक्ष लागलं आहे.

विधानसभा निवडणुकीतील पराभवानंतर भारतीय जनता पक्षामध्ये अस्वस्थ असलेल्या नेत्या आणि माजी मंत्री पंकजा मुंडे आज गोपीनाथ गडावर आपली भूमिका मांडणार आहेत. त्या नेमकं काय करणार, याकडं सगळ्यांचं लक्ष लागलंय… आपण भारतीय जनता पक्षामध्ये नाराज नाही. मात्र पक्षाला आत्मचिंतन करण्याची गरज आहे, असं सांगतानाच ‘मोठा नाही पण छोटा भूकंप मात्र नक्की होईल’, असं सांगून पंकजा मुंडेंनी खळबळ उडवून दिलीय.

एकीकडे आज दुपारी होणाऱ्या या मेळाव्याकडे सर्वांचं लक्ष लागलं आहे. दरम्यान गोपीनाथ मुंडे यांचे पुतणे राष्ट्रवादी काँग्रेस आमदार धनंजय मुंडे यांनी ट्विटच्या माध्यमातून आठवणी जागवत विनम्र अभिवादन केलं आहे. धनंजय मुंडे यांनी ट्विट करत म्हटलं आहे की, “आप्पा, तुमचाच वारसा चालवतो आहे. संघर्षाचा… जनसामान्यांच्या कल्याणाचा… सदैव आपल्या आठवणीत! जयंतीनिमित्त विनम्र अभिवादन”

धनंजय मुंडे यांनी याआधी मुख्यमंत्री उद्धव ठाकरे यांच्याकडे औरंगाबादमधील गोपीनाथ मुंडे यांच्या स्मारकाचे काम जलद गतीने पूर्ण करण्याची घोषणा करावी अशी मागणी केली. ट्विटच्या माध्यमातूनच त्यांनी ही माहिती दिली होती. त्यांनी लिहिलं होतं की, “सबंध आयुष्य शेतकरी, कष्टकरी, वंचित घटकांसाठी परिश्रम करणाऱ्या लोकनेते स्व. गोपीनाथराव मुंडे साहेब यांची उद्या जयंती आहे. यानिमित्ताने औरंगाबाद येथील स्व. मुंडे साहेब यांच्या स्मारकाचे काम जलद गतीने पूर्ण करण्याची घोषणा करावी अशी मागणी मुख्यमंत्री उद्धव ठाकरे यांच्याकडे केली”.

Web Title:  NCP MLA Dhananjay Munde Post over BJP Leader Gopinath Munde Birth Anniversary Gopinathgad

संबंधित बातम्या

राहुन गेलेल्या बातम्या

x