29 March 2024 11:50 AM
अँप डाउनलोड
बातम्या फ्लॅश
L&T Share Price | भरवशाचा L&T शेअर दैनिक चार्टवर ट्रेंड लाइन ब्रेकआउट देत आहे, तज्ज्ञांनी काय सल्ला दिला? Adani Port Share Price | अदानी पोर्ट्स स्टॉकबाबत तज्ञ उत्साही, नवीन टार्गेट प्राइस जाहीर, किती परतावा मिळणार? Bonus Share News | सुवर्ण संधी! ही कंपनी फ्री बोनस शेअर्स देणार, वेळीच एन्ट्री घेऊन फायदा घेणार? IFCI Share Price | शेअरची किंमत 39 रुपये! IFCI शेअर चार्ट पॅटर्नमध्ये सकारात्मक वाढीचे संकेत, यापूर्वी 350% परतावा दिला Infosys Share Price | इन्फोसिस शेअरला या प्राईसवर मजबूत सपोर्ट, या पातळीवर टिकल्यास अल्पावधीत उच्चांक किंमत स्पर्श करणार Mutual Fund SIP | मार्ग श्रीमंतीचा! या 10 म्युच्युअल फंड SIP दरवर्षी 40% ते 71% परतावा देतं आहेत, सेव्ह करा यादी Senior Citizen Saving Scheme | ज्येष्ठ नागरिकांना दर महिना मिळतील 20000 रुपये, ही योजना देईल मोठा व्याज दर
x

नागरी समस्यांसंदर्भात मनसेचं वाशी वॉर्ड ऑफिसवर हल्ला बोल आंदोलन

MNS Navi Mumbai Gajanan Kale

वाशी: नवी मुंबई महापालिकेच्या निवडणुका जवळ आल्याने महाराष्ट्र नवनिर्माण सेना नागरी समस्यांवरून मैदानात उतरली असून दर आठवड्याला काही ना काही आंदोलन करून पालिका प्रशासनाला धारेवर धरण्याचा सपाटा लावला आहे. नवी मुंबईचे शहराध्यक्ष गजानन काळे यांच्या नैतृत्वाखाली स्थानिक पदाधिकारी आणि कार्यकर्ते पूर्ण ताकदीनिशी मैदानात उतरल्याचे पाहायला मिळत आहे.

त्यालाच अनुसरून मनसेचे नवी मुंबई वॉर्ड ऑफिसवरील आज तिसरे आंदोलन हाती घेण्यात आलं आहे. नागरी समस्यांसंदर्भात पालिका प्रशासनाला जाब विचारण्यासाठी वाशी वॉर्ड ऑफिसवर आज भव्य हल्लाबोल आंदोलन करण्यात आलं आणि शहरातील सर्व कार्यकर्ते आणि पदाधिकारी देखील उपस्थित होते.

तत्पूर्वी नेरुळ विभाग कार्यालयावर मागील आठवड्यात सामान्य नागरिकांच्या विविध समस्यांवरून मोर्चा काढल्यानंतर मनसेचे शहराध्यक्ष गजानन काळे यांच्या नैत्रुत्वात कोपरखैरणे विभाग कार्यालयावर विराट मोर्चा काढण्यात आला होता. कोपरखैरणे विभागातील लोकांच्या विविध समस्यांवरून मनसे ढोल वाजवत मोर्चा काढण्यात आला होता.

कारण कोपरखैरणे परिसरात मोठ्या प्रमाणावर अनधिकृत बांधकामं तसेच पदपथावरील अनधिकृत फेरीवाले, पाणी समस्या आणि मलनिस्सारण अशा विविध प्रमुख समस्यांवरून प्रशासनाला अवगत करून दिलं जाणार होतं. त्यासाठीच घणसोली डी-मार्ट ते तीन टाकी दरम्यान आंदोलन करण्यात आलं होतं.

तत्पूर्वी २८ नोव्हेंबरला नवी मुंबईतील ६५०० कामगारांचे १४ महिन्यांचे वेतन महापालिकेकडे थकीत आहेत ते पैसे कामगारांना मिळवून देण्यासाठी अमित ठाकरे ह्यांच्या उपस्थितीत निद्रिस्त प्रशासनाला जागं करण्यासाठी थाळीनाद मोर्चा काढण्यात आला होता आणि त्याला उत्स्फूर्त प्रतिसाद मिळाला होता. नवी मुंबईत महापालिका कामगारांच्या हक्कासाठी महाराष्ट्र नवनिर्माण सेनेने थाळीनाद आंदोलन केलं होतं. पालिकेतील घनकचरा, मल:निस्सारण, विद्युत, पाणीपुरवठा अशा १७ विविध विभागात कार्यरत असणाऱ्या ६,५०० कंत्राटी कामगारांना त्यांची १४ महिन्यांची थकबाकी (एकूण ९० कोटी रुपये) तसंच घंटागाडी कामगारांना त्यांची संपूर्ण ४३ महिन्यांची थकबाकी न दिल्याच्या निषेधार्थ महापालिका मुख्यालयावर थाळीनाद महामोर्चा काढण्यात आला होता. यावेळी मनसेचे नवी मुंबई शहराध्यक्ष गजानन काळे आदी पदाधिकारी कार्यकर्ते आणि महापालिकेचे कंत्राटी कर्मचारी मोठ्या संख्येनं उपस्थित होते.

 

Web Title:  MNS Navi MumbaI President Gajanan Kale organised Hallabol Morcha at Vashi Municipal Ward office.

हॅशटॅग्स

#Raj Thackeary(716)

संबंधित बातम्या

राहुन गेलेल्या बातम्या

x