अमेरिकेचा इराकवर पुन्हा एअरस्ट्राईक; ६ जणांचा मृत्यू; युद्ध भडकण्याची शक्यता

बगदादः अमेरिकेने इराकच्या बगदादमध्ये शनिवारी पुन्हा एक हवाई हल्ला केला. उत्तरी बगदादमध्ये शनिवारी सकाळी करण्यात आलेल्या हवाई हल्ल्यात सहा जणांचा मृत्यू झाला आहे. अमेरिकेने शुक्रवारी केलेल्या हल्ल्यात जनरल कासिम सुलेमानी याच्यासह ८ जणांचा मृत्यू झाला होता.

अमेरिकेने गुरुवारी रॉकेट हल्ला करून कुद्स फोर्सचा प्रमुख मेजर जनरल कासिम सुलेमानी याला ठार केलं होतं. सुलेमानी त्याच्या फौजेसह बगदाद एअरपोर्टकडे जात होता नेमका त्याच वेळी अमेरिकेनं हवाई हल्ला केला. यात सुलेमानी ठार झाला. त्याच्याशिवाय या हल्ल्यामध्ये पॉप्युलर मोबलायझेशन फोर्सचा डेप्युटी कमांडर अबू महदी अल मुहांदिस हासुद्धा ठार झाल्याचं सांगण्यात येत आहे.

New US air strike targets Hashed commander in Iraq: AFP news agency quotes Iraq’s state TV

— ANI (@ANI) January 3, 2020

या हवाई हल्ल्यात दोन गाड्यांवर निशाणा साधण्यात आला. या गाड्यांमध्ये इराण समर्थक मिलिशिया हश्‍द अल-शाबीचे काही लोक असल्याचं म्हटलं जात आहे. या गाडीत असलेल्या सहाही जणांचा मृत्यू झाला आहे. अद्याप त्यांची ओळख पटली नाही, असं इराक सरकारी अधिकाऱ्यांकडून सांगण्यात आलं. समोर आलेल्या माहितीनुसार अमेरिकेनं हा हल्ला हशद-अल-साबीच्या कमांडरला लक्ष्य करून केला होता. इराकमधील सरकारी माध्यमांनीदेखील या हल्ल्याच्या वृत्ताला दुजोरा दिला आहे.

Air strikes target Iraqi militia convoy north of Baghdad, killing six people, an Iraqi army source says: Reuters https://t.co/BuAO3ffqfd

— ANI (@ANI) January 3, 2020

नववर्षाच्या पार्श्वभूमीवर बगदादच्या अमेरिकन दुतावासावर इराणच्या पुरस्कृत संघटनेने हल्ला चढविला होता. याचा बदला म्हणून अमेरिकेने गेल्या चार दशकांपासून हवा असलेल्या सुलेमानीचा खात्मा केला आहे. यामुळे पश्चिम आशियातील वातावरण संतप्त झाले असून इंधनाच्या किंमतीही वाढल्या आहेत. सुलेमानीच्या मृत्यूच्या वृत्तानंतर कच्च्या तेलाच्या किंमती वाढल्या आहेत. ब्रेंट क्रूडच्या किंमतींमध्ये १.३१ टक्क्यांची वाढ झाली आहे. एक बॅरलची किंमत ६७.१२ डॉलरवर पोहोचली आहे. तर अमेरिकन क्रूडच्या किंमतीतही १.२४ टक्क्यांची वाढ झाली आहे.

Web Title:  America Air Strike targets hashed commander in Iraq again.