कट्टर राजकीय विरोधक पंकजा मुंडे आणि धनंजय मुंडे एकाच मंचावर

बीड: कट्टर राजकीय विरोधक असलेले सामाजिक न्यायमंत्री धनंजय मुंडे आणि पंकजा मुंडे पहिल्यांदाच एका व्यासपीठावर आले आहेत. गहिनीनाथ गडावरच्या एका कार्यक्रमात दोघे एकत्र दिसले. एकमेकांवरच्या राजकीय आरोप-प्रत्यारोपांमुळं बीडची विधानसभा निवडणूक चांगलीच गाजली होती. विधानसभा निवडणुकीनंतर दोघे पहिल्यांदाच एकत्र आले. गहिनीनाथ गडावर संत वामनभाऊ महाराज यांचा ४२ व्या पुण्यतिथी महोत्सव पार पडतोय. त्यानिमीत्ताने हे भाऊ-बहीण एकाच व्यासपीठावर दिसले.

राज्याचा मंत्री म्हणून काम करताना संत वामनभाऊंसारख्या वैराग्यमूर्तींनी दाखवलेल्या मार्गावर चालण्याचा व जिल्ह्यासह राज्यातील गोरगरीब जनतेची सेवा करण्यासाठी शक्ती द्या असा आशीर्वाद गडावर मागितला. मंत्री म्हणून नव्हे तर वामन भाऊंचा भक्त म्हणून मी सर्व भक्तांची आयुष्यभर सेवा करणार. pic.twitter.com/f5TzAbDHGH

— Dhananjay Munde (@dhananjay_munde) January 17, 2020

गहिनीनाथ गडावर दरवर्षी भारतीय जनता पक्षाच्या पंकजा मुंडे व्यासपीठावर असतात. तर, धनंजय मुंडे हे पहाटेची पूजा करुन जातात. परंतु, यावेळी नव्यानेच पालकमंत्री बनलेल्या धनंजय मुंडे यांचीही जाहीर कार्यक्रमात हजेरी पाहायला मिळली. विधानसभा निवडणुकांनं यावेळी धनंजय यांनी पंकजा यांचा दारुण परावभ केला. निवडणूक वैयक्तिक आरोपांनी राज्य भर गाजली होती.या पार्श्र्वभूमीवर मुंडे बहीण-भाऊ एकाच व्यासपीठावर आले होते.

आज गहिनीनाथ गड येथे प्रथेप्रमाणे श्रध्देय वामनभाऊ यांच्या पुण्यतिथी सोहळ्याला उपस्थिती लावली … भक्ती आणि शक्तीचा संगम पहायला मिळाला ..लोकांच्या आशिर्वादात आणि त्यांच्या आदरयुक्त आविर्भावात जणू संजीवनी मिळाली.महिला कुंकू लावताना रडायला लागल्या मला कळेच ना !!”ताई असं कसं झालं हो”

— Pankaja Gopinath Munde (@Pankajamunde) January 17, 2020

या पराभवानंतर स्वर्गीय गोपीनाथ मुंडे यांच्या जयंतीनिमित्त परळीतील गोपीनाथ गडावर बहुप्रतीक्षीत स्वाभिमान दिनानिमित्त भाषण केले. मी पक्ष सोडणार नाही, पक्षाला मला सोडायचं असेल तर माहिती नाही. आता चेंडू भारतीय जनता पक्षाच्या कोर्टात आहे, असं पंकजा मुंडे म्हणाल्या. शिवाय पंकजा मुंडेंनी भारतीय जनता पक्षाच्या कोअर कमिटीचं सदस्यत्व सोडत असल्याचं जाहीर केलं. पक्ष काढायचा की काय करयचं ते पुढे ठरवूच पण आता पक्षाने ठरवायचं आहे, असं म्हणत पंकजांनी भारतीय जनता पक्षाला इशारा दिला होता.

विधानसभा निवडणूक प्रचारदरम्यान केज तालुक्यातील वीडा येथे प्रचारसभेदरम्यान धनंजय मुंडे यांनी पंकजा मुंडे यांच्याबाबत कथित आक्षेपार्ह विधान केल्याच्या आरोपावरून दोघांतील संघर्ष वैयक्तिक पातळीवर आला.यामुळे परळीतील वातावरण चांगलेच तापलं होतं. भावणीक पातळीवरील आरोपानंतर या निवडणुकीत धनंजय यांनी पंकजा यांचा तब्बल बत्तीस हजार मतांच्या फरकाने दारुण पराभव केला. राज्यातही संत्तातर झाले आणि दोघांच्या भुमिकांचीही अदलाबदल झाली.

Web Title:  Beed BJP Leader Pankaja Munde and Minister Dhanjay Munde on same stage.