बस आणि ट्रकमध्ये भीषण अपघात; २० प्रवाशांचा जागीच मृत्यू

अविनाशी : तमिळनाडूमधील अविनाशी परिसरात गुरुवारी पहाटेच्या सुमारास भीषण अपघात झाला आहे. खासगी बस आणि लॉरीची भीषण धडक झाली. या भीषण अपघातात २० जणांचा जागीच मृत्यू झाला असून २४ जण जखमी आहेत. जखमींना नजीकच्या रुग्णालयात उपचारासाठी दाखल करण्यात आलं आहे.

अपघातग्रस्तांपैकी अनेकांची प्रकृती गंभीर असल्याचं सांगितलं जात आहे. या भीषण अपघाताबाबत मिळालेल्या माहितीनुसार, हा अपघात तिरुपूर जिल्ह्यातील अविनाशी या शहराजवळ झाला. अपघातग्रस्त बस बेंगळुरूहून केरळ राज्यात जात होती. जखमींपैकी काहींची प्रकृती चिंताजनक असल्याचे सांगण्यात येत आहे. अपघाताची माहिती मिळताच पोलिस घटनास्थळी दाखल झाले.

#UPDATE Deputy Tehsildar of Avinashi: 19 people – 14 men and 5 women, died in the collision between a Kerala State Road Transport Corporation bus & a truck near Avinashi town of Tirupur district. https://t.co/pOss4LTAtv

— ANI (@ANI) February 20, 2020

त्यानंतर तातडीने बचाव कार्य हाती घेण्यात आले. या अपघातातील जखमींना तातडीने तिरुपूरच्या हॉस्पिटलमध्ये दाखल करण्यात आले आहे. या बसमध्ये एकूण ४८ प्रवासी प्रवास करत होते. यात २० जणांचा जागीच मृत्यू झाला. तर बाकी प्रवाशी जखमी झाले. मृतांमध्ये १४ पुरुष आणि ५ महिलांचा समावेश आहे.

Web Title: Story Tamil Nadu state Bus and Truck Heavy Accident 19 people dead 24 injured.