इटली, अमेरिका, स्पेनमध्ये करोनामुळे अनेकांचा मृत्यू; शहाणे व्हा, बेजबाबदारपणे वागू नका

मुंबई, ०१ एप्रिल: इटली, अमेरिका, स्पेनमध्ये करोनामुळे अनेकांचा मृत्यू झाला आहे. त्यामुळे तेथील करोना बळींपासून धडा घ्या. आता तरी शहाणे व्हा. बेजबाबदारपणे वागू नका आणि घरात बसून सरकारला सहकार्य करा, असं आवाहन करतानाच ‘कोरोना’विरुद्धच्या लढ्यात काही लोक बेजबाबदारपणे वागत आहेत. त्यामुळे करोनाविरुद्धच्या लढ्याला धक्का बसत आहे. हा बेजबाबदारपणा खपवून घेतला जाणार नाही. बेजबाबदारपणे वागणाऱ्यांची, नियम मोडणाऱ्यांची आता खैर नाही, असा इशारा उपमुख्यमंत्री अजित पवार यांनी दिला.

राज्यातील कोरोना विषाणू संक्रमित रुग्णांची वाढती संख्या चिंताजनक आहे. या पार्श्वभूमीवर भाजीखरेदीसाठी सकाळच्या बाजारात उसळणारी गर्दी बघितल्यानंतर लॉकडाऊनचा उद्देशच धोक्यात आला आहे. जनतेने घराबाहेर पडून अनावश्यक गर्दी करणं सुरुच ठेवलं तर सद्यस्थितीचा पुनर्विचार करुन कठोर उपाय योजावे लागतील, असा इशारा अजित पवार यांनी दिला आहे.

कोरोनाच्या संकटाविरुद्ध राज्याचा सार्वजनिक आरोग्य विभाग, वैद्यकिय शिक्षण विभाग, पोलिस विभाग, नगरविकास विभाग, ग्रामविकास विभाग, महसुल विभाग, अन्न व नागरी पुरवठा, अन्न व औषध प्रशासन, स्थानिक स्वराज्य संस्था तसेच शासनाची संपूर्ण यंत्रणा युद्धपातळीवर काम करत आहे. राज्यातील बहुतांश नागरिक घरीच थांबून कोरोनाविरुद्धच्या लढ्यात योगदान देत आहेत, या सर्वांचे अजित पवार यांनी आभार मानले आहेत.

News English Summary: People should become wiser by learning a lesson from the victims of corona virus infection in Italy, America, and Spain. Honor the sacrifices of doctors, healthcare workers, policemen, cleaning workers who fight against Corona by risking their lives. Stop crowding for vegetables. Deputy Chief Minister Ajit Pawar has appealed to the people to stop at home and contribute to the fight against Corona. He also warned that those who behaved irresponsibly in the fight against Corona were no good.

News English Title: Story Corona virus take strict action against those who act irresponsibly lock down period says Ajit Pawar News latest Updates.