सोयीनुसार राजकीय मैत्री आणि राष्ट्रीय गरजेनुसार धमकी; अनोखी आंतरराष्ट्रीय मैत्री

वॉशिंग्टन, ०८ एप्रिल : कोरोनाच्या संकटाने महासत्ता असलेल्या अमेरिकेचे सध्या कंबरडे मोडले आहे. यासाठीच अमेरिकेने भारताकडे मदत मागितली होती. ही मदत मागितल्यानंतर २४ तासांच्या आत अमेरिकेचे अध्यक्ष डोनाल्ड ट्रम्प यांनी मोदी सरकारला धमकीही दिली होती. आता त्याच पंतप्रधान नरेंद मोदींचं कौतुक ट्रम्प यांनी केलं आहे. भारताने अमेरिकेला हायड्रॉक्सीक्लोरोक्वीन औषध देण्याची तयारी दर्शवल्यानंतर ट्रम्प यांनी मोदी महान असल्याचे मत व्यक्त केलं आहे.

“करोना व्हायरसवर उपचारासाठी मी लाखो डोस खरेदी केले आहेत. दोन कोटी ९० लाखापेक्षा जास्त डोस खरेदी केले आहेत. मी पंतप्रधान नरेंद्र मोदी यांच्याबरोबर फोनवरुन चर्चा केली. भारतातून भरपूर औषधे येणार आहेत. तुम्ही निर्बंध हटवू शकता का? असे मी मोदींना विचारले. ते महान आहेत. ते खूपच चांगले आहेत. भारतासाठी औषधांची आवश्यकता असल्याने त्यांनी हे निर्बंध घातले होते” असे ट्रम्प म्हणाले.

हायड्रॉक्सीक्लोरोक्वीन आणि पॅरासिटामॉल या दोन्ही औषधांच्या निर्यातीवरील बंदी भारताने अंशतः मागे घेतली आहे. भारतीय गरजेचा विचार करून ज्या देशांनी आधीच या औषधांची मागणी केली होती. त्यांना ती देण्याचा विचार केला जाईल, असे सरकारकडून सांगण्यात आले. या सर्व घडामोडींच्या पार्श्वभूमीवर डोनाल्ड ट्रम्प यांनी आपल्या आधीच्या विधानात बदल केला आहे.

News English Summary: The coronary crisis has broken America’s backbone. That is why the United States sought help from India. Within 24 hours of seeking this help, US President Donald Trump had even threatened the Modi government. Trump has now praised the Prime Minister Narendra Modi. Trump has said Modi is great when India prepares to give US hydroxychloroquine drug.

News English Title: Story US President Donald Trump praise PM Narendra Modi after India export of Hydroxychloroquine Covid19 News Latest Updates.