आपल्यापर्यंत कोरोना पोहचणार नाही या अतिआत्मविश्वासात फसू नका

नवी दिल्ली, २६ एप्रिल: पंतप्रधान नरेंद्र मोदी यांनी ‘मन की बात’मधून आज जनतेशी संवाद साधला. भारतात कोरोनाविरोधाची लढाई जनता लढत आहे. शासन आपल्या सोबत आहे. आज पूर्ण देश, प्रत्येक नागरिक या लढाईचा शिपाई आहे. या लढाईचे नेतृत्व करत आहे. पूर्ण जग या कोरोनाशी लढतोय. भविष्यात कोरोनाविरोधातील लढाईचा वेध घेतला जाईल तेव्हा भारतातील नागरिकांच्या लढाईचा गौरव होईल असे ते म्हणाले.

देशातील सर्वजण सामर्थ्याने कोरोनाविरोधातील लढाई लढत आहे. तुमच्या हृदयातील भावना कोरोनाविरोधातील लढाईला बळ देत आहेत. कोणी मास्क बनवतं, कोणी सबसिडी सोडत आहे, कोणी पेन्शन तर कोणी पुरस्काराची रक्कम पीएम निधीला देत आहे. तसंच शेतकरी सुद्धा या लढाईत आपले योगदान देत आहे, असे मोदींनी सांगितले.

मी नागरिकांना आवाहन करतो की अतिआत्मविश्वासात फसू नका. आपल्यापर्यंत करोना पोहचणार नाही, अशा भ्रमात राहण्याची चूक करू नका. आपल्याकडे म्हटलं जातं, सावधानता हटी, दुर्घटना घटी… टाळाटाळ करत सोडून दिलेली आग, कर्ज आणि आजार संधी मिळताच दुसऱ्यांदा वाढू शकतात, असं आपल्या पूर्वजांनी सांगून ठेवलंय. त्यामुळे यावर उपचार गरजेचा आहे, असंही पंतप्रधानांनी यावेळी म्हटलं.

News English Summary: I urge citizens not to fall into overconfidence. Don’t make the mistake of living in the illusion that Corona won’t reach you. It is said that fires, debts and illnesses that have been abandoned by evasion can increase for the second time as soon as the opportunity arises. Therefore, it needs treatment, said the Prime Minister.

News English Title: Story Corona virus PM Narendra Modi Mann Ki Baat on covid 19 fight News Latest Updates.