एकही मत ज्याच्या नावावर मिळाल्याची नोंद नाही ते मुख्यमंत्री झाले - निलेश राणे

मुंबई, १४ मे : मुख्यमंत्री उद्धव ठाकरे यांच्यासह इतर आठही उमेदवार विधान परिषदेवर बिनविरोध निवडून आले आहेत. सर्व उमेदवार बिनविरोध निवडून आल्याची माहिती आज, गुरुवारी अधिकाऱ्यांनी दिली. उमेदवारी अर्ज मागे घेण्याची अंतिम मुदत आज दुपारी तीन वाजेपर्यंत होती. त्यानंतर अधिकृत निकालाची घोषणा करण्यात आली.

मुख्यमंत्री उद्धव ठाकरे सोमवारी १८ मे रोजी दुपारी १ वाजता विधान परिषद सभापतींच्या उपस्थितीत विधान परिषद सदस्यत्वाची शपथ घेणार आहेत. विधान परिषद निवडणूक बिनविरोध झाल्यामुळे सर्व ९ उमेदवारांचा शपथविधि सोमवारी विधान परिषदेत सभापतींच्या उपस्थित पार पडणार आहे.

दरम्यान, भाजपच्या अनेक नेत्यांनी याविषयावरून आधीच उद्धव ठाकरे यांना लक्ष केलं होतं. मात्र ही निवड झाल्यानंतर माजी खासदार निलेश राणे यांनी देखील मुख्यमंत्री उद्धव ठाकरे यांना खोचक टोला लगावला आहे. याबाबत त्यांनी ट्विट करताना म्हटलं आहे की, “फुकट CM किंवा CM फुकटात काही म्हणा… निवडणूक बिनविरोध झाल्यामुळे महाराष्ट्रात एकही मत ज्याच्या नावावर मिळाल्याची नोंद नाही तो माणूस मुख्यमंत्री झाला.”

फुकट CM किंवा CM फुकटात काही म्हणा… निवडणूक बिनविरोध झाल्यामुळे महाराष्ट्रात एकही मत ज्याच्या नावावर मिळाल्याची नोंद नाही तो माणूस मुख्यमंत्री झाला. https://t.co/fQFc1ZerkY

— Nilesh N Rane (@meNeeleshNRane) May 14, 2020

News English Summary: Chief Minister Uddhav Thackeray will take oath of office on Monday, May 18 in the presence of the Speaker of the Legislative Council. As the Legislative Council election was held without any objection, the swearing in of the candidates will be held in the presence of the Speaker in the Legislative Council on Monday. However, Former MP and BJP Leader Nilesh Rane criticized CM Uddhav Thackeray over MLC issue.

News English Title: Former MP and BJP Leader Nilesh Rane criticized CM Uddhav Thackeray over MLC issue News Latest Updates.