आत्मनिर्भर बोलताही येत नाही, ते देशाला आत्मनिर्भरता शिकवू शकतात का? - काँग्रेस

मुंबई, १ जून: लॉकडाऊनमुळे ठप्प झालेली अर्थव्यवस्था रुळांवर आणण्यासाठी केंद्र सरकारकडून जाहीर करण्यात आलेल्या आत्मनिर्भर पॅकेजच्या आकडेवारीबाबत मोदी सरकारकडून दिशाभूल केली जात असल्याचा आरोप काँग्रेसकडून करण्यात आला आहे. पंतप्रधान नरेंद्र मोदी यांनी Aatmanirbhar package 20 लाख कोटींचे असेल, असे सांगितले होते. हे प्रमाण देशाच्या एकूण जीडीपीच्या १० टक्के इतके असल्याचेही मोदींनी म्हटले होते.

मात्र, केंद्रीय अर्थमंत्री निर्मला सीतारामन यांनी Aatmanirbhar package चा तपशील जाहीर केल्यानंतर आकडेवारीतील घोळ समोर आला होता. केंद्र सरकारने केवळ ३.२२ लाख कोटींचीच आर्थिक मदत केली असून हे प्रमाण एकूण जीडीपीच्या अवघे १.६ टक्के इतकेच असल्याचा दावा, काँग्रेसने केला होता.

दरम्यान, महाराष्ट्र काँग्रेसने केंद्रीय मंत्री अमित शाह यांचा एक व्हिडिओ ट्विटरवर शेअर केला आहे. अमित शाह यांनी आज तक या वृत्तवाहिनीला दिलेल्या मुलाखतीमधील हा व्हिडिओ असल्याचे दिसतेय. या व्हिडिओत अमित शाह आत्मनिर्भर भारत बद्दल बोलत आहे. मात्र, याच शब्दाचा उच्चर करताना अमित शाह अडखळले. आत्म भारत निर्माण असा उच्चार दोन ते तीन वेळा करतात. काँग्रेसने हा व्हिडिओ शेअर करताना लोकांना प्रश्न विचारलाय की, ‘ज्यांना आत्मनिर्भर बोलताही येत नाही, ते देशाला आत्मनिर्भरता शिकवू शकतात का?’ महाराष्ट्र काँग्रेसने व्हिडिओ शेअर केल्यानंतर नेटकरऱ्यांनीही यावर आपल्या प्रतिक्रिया दिल्या. काहींनी काँग्रेसवर टीका केली तर काहींनी भाजपाला लक्ष केलं.

कुछ लोग बिना किसी सहारे के ‘आत्मनिर्भर’ बोल भी नही सकते,

क्या वे लोग देश को ‘आत्मनिर्भयता’ का पाठ पढ़ा सकते है? pic.twitter.com/naEUjBA1OZ

— Maharashtra Congress (@INCMaharashtra) June 1, 2020

News English Summary: Self-reliant India is being presented to the people. Similarly, Union Home Minister Amit Shah, while giving information about self-reliant India, mispronounced the same word self-reliant. The video is currently going viral on social media.

News English Title: Maharashtra Congress Share Union Home Minister Amit Shah Video On Twitter News latest updates.