भाजपचे माजी खासदार हरिभाऊ जावळेंचं कोरोनामुळे मुंबईतील इस्पितळात निधन

जळगाव, १६ जून: महाराष्ट्रात काल दिवसभरात 2 हजार 786 नव्या रुग्णांची नोंद झाली. त्यामुळे राज्यातील कोरोनाबाधितांचा आकडा 1 लाख 10 हजार 744 वर पोहोचला आहे. तर दिवसभरात तब्बल 178 कोरोनाबाधितांनी आपला जीव गमावल्याने राज्यातील कोरोनाबळींची संख्या 4 हजार 128 इतकी झाली आहे.

देशाची आर्थिक राजधानी असलेल्या मुंबईत काल दिवसभरात 1 हजार 67 नवे कोरोना रुग्ण आढळले. त्यामुळे मुंबईतील एकूण कोरोनाबाधितांची संख्या ही 59 हजार 201 वर पोहोचली आहे. तर दिवसभरात 68 कोरोना रुग्णांचा मृत्यू झाल्याने मुंबईतील कोरोनाबळींची संख्या 2 हजार 248 वर पोहोचली आहे.

भाजपचे विद्यमान जिल्हाध्यक्ष आणि माजी खासदार हरिभाऊ जावळे यांचे कोरोनाच्या आजारात निधन झाले, ते ७१ वर्षांचे होते. मुंबईतील बॉम्बे हॉस्पिटलमध्ये कोरोनावरील उपचारादरम्यान त्यांचा मृत्यू झाला. जळगाव जिल्ह्यातील आपल्या मूळ गावी असतानाच त्यांना कोरोनाची लागण झाल्याचे निष्पण्ण झाले होते. त्यानंतर, त्यांना मुंबईतील बॉम्बे रुग्णालयात दाखल करण्यात आले. मात्र, आज त्यांची कोरोनाविरुद्धची झुंज अपयशी ठरली.

भारतीय जनता पार्टीचे जळगाव ग्रामीण जिल्हाध्यक्ष माजी खासदार व माजी आमदार हरिभाऊ जावळे यांचे आज निधन झाले. मी त्यांना भाजपा, महाराष्ट्रच्या वतीने विनम्र श्रद्धांजली अर्पण करतो.

— Chandrakant Patil (@ChDadaPatil) June 16, 2020

News English Summary: Incumbent BJP district president and former MP Haribhau Jawle died at the age of 71. He died while undergoing treatment for corona at Bombay Hospital in Mumbai. While in his native village in Jalgaon district, he was diagnosed with corona.

News English Title: BJP district president and former MP Haribhau Jawle died due to corona in Mumbai Bombay hospital News Latest Updates.