सलग बाराव्या दिवशी पेट्रोल-डिझेल दरवाढ; वाहन धारक हैराण

मुंबई, १८ जून : मागील अडीच महिन्यांपासून सुरू असलेल्या लॉकडाऊनचा देशाच्या अर्थव्यवस्थेला मोठा फटका बसला आहे. तर दुसरीकडे दररोज होणाऱ्या इंधन दरवाढीने सर्वसामान्यांच्या नाकी नऊ आणले आहेत. आज सलग बाराव्या दिवशी इंधन दरवाढ झाली आहे. आज पेट्रोल ५३ पैशांनी, तर डिझेल ६४ पैशांनी महागले आहे. त्यामुळे दिल्लीकरांना आता पेट्रोलसाठी ७७ रुपये ८१ पैसे आणि डिझेलसाठी ७६ रुपये ४३ पैसे मोजावे लागणार आहेत. तसेच मुंबईत आज पेट्रोल ८४.६५ रुपये प्रति लिटर आणि डिझेल ८४.३८ रुपये प्रतिलिटर झाले आहे. दररोज सकाळी ६ वाजता पेट्रोल आणि डिझेलच्या किंमतीत बदल करण्यात येतो. सकाळी सहा वाजल्यापासूनच हे नवे दर लागू होतात.

Petrol and diesel prices at Rs 77.81/litre (increase by Re 0.53) and Rs 76.43/litre (increase by Re 0.64), respectively in Delhi today. pic.twitter.com/nkCvsbZkuT

— ANI (@ANI) June 18, 2020

मिळालेल्या माहितीनुसार, पेट्रोल-डिझेलच्या किमती या आणखी 2 आठवडे रोज वाढत राहतील. इंधनाच्या किरकोळ किंमतीमध्ये 8 रुपयांपर्यंतची वाढ करून लॉकडाऊनमध्ये झालेल्या नुकसानाची भरपाई केली जावी अशी तेल कंपन्यांची योजना राहील. तेल कंपन्यांनी 16 मार्च नंतर 83 दिवसांसाठी पेट्रोल आणि डिझेलच्या किंमतीमध्ये कोणतही वाढ केली नव्हती. लॉकडाऊनमध्ये राज्यांनी व्हॅल्यू अ‍ॅडेड टॅक्स (VAT) मध्ये वाढ केल्यामुळे इंधनाच्या किंमती वाढल्या होत्या. त्यावेळी तेल कंपन्यांनी कोणती वाढ केली नव्हती.

News English Summary: The lockdown, which has been going on for the last two and a half months, has hit the country’s economy hard. On the other hand, the daily increase in fuel prices has brought the common man to a standstill. Today is the twelfth consecutive day of fuel price hike. Today, petrol has gone up by 53 paise and diesel by 64 paise.

News English Title: Today petrol diesel prices increase continue 12th day News Latest Updates.