देश संकटात असताना मोदींचं स्वत:ची प्रतिमा बनवण्यावर १०० टक्के लक्ष केंद्रीत - राहुल गांधी

नवी दिल्ली, २३ जुलै : काँग्रेसचे माजी अध्यक्ष आणि वायनाडचे खासदार राहुल गांधी सध्या ‘सत्य का सफर: राहुल गांधी के साथ’ या व्हिडीओ सीरीजच्या माध्यमातून देशसमोरील प्रश्नांना वाचा फोडत आहेत. या सीरीजमधील तिसऱ्या व्हिडीओच्या माध्यमातून राहुल गांधी यांनी पंतप्रधान नरेंद्र मोदींना लक्ष्य केले. “पंतप्रधान नरेंद्र मोदींनी स्वत:ची प्रतिमा बनवण्यावर १०० टक्के लक्ष केंद्रीत केले आहे. भारतातल्या ताब्यात घेतलेल्या संस्था तेच काम करण्यामध्ये व्यस्त आहेत. एका माणसाची प्रतिमा राष्ट्रीय दृष्टीकोनाला पर्याय असू शकत नाही” असे राहुल गांधी यांनी टि्वट केलेल्या व्हिडीओमध्ये म्हटले आहे. दोन मिनिटांच्या या व्हिडीओमध्ये राहुल गांधी यांनी भारत-चीन संबंधांबद्दलही भाष्य केले आहे.

राहुल गांधी यांनी आज आपल्या ट्विटर अकाऊंटवरून एक व्हिडीओ पोस्ट केला आहे. यामध्ये त्यांनी नरेंद्र मोदींना टोला लगावला आहे. “मजबूत स्थितीमध्ये राहून चीनशी चर्चा करत असाल, तरच तुम्ही त्यांच्याशी चर्चा करु शकता. चीनने जर तुमचा कमकुवतपणा पकडला, तर अडचण आहे. चीनचा विषय हाताळण्यासाठी तुमच्याकडे दृष्टीकोन असला पाहिजे. भारताला जागतिक दृष्टीकोनाची गरज आहे” असं राहुल गांधी यांनी म्हटलं आहे.

PM is 100% focused on building his own image. India’s captured institutions are all busy doing this task.

One man’s image is not a substitute for a national vision. pic.twitter.com/8L1KSzXpiJ

— Rahul Gandhi (@RahulGandhi) July 23, 2020

“आपल्याला आपली पद्धत बदलावी लागेल, विचार बदलावा लागेल. मोठा आणि दीर्घकालीन विचार न केल्यामुळे आपण एक संधी गमावू शकतो. आपण आपसातच लढत आहोत. आपल्याकडे दृष्टीकोनही नाही हे यातून दिसत आहे. पंतप्रधानांना प्रश्न विचारणे, ही माझी जबाबदारी आहे. दृष्टीकोन देणे ही पंतप्रधानांची जबाबदारी आहे. पण मी, तुम्हाला खात्रीने सांगतो, की पंतप्रधानांकडे दूरदृष्टी नाही. त्यामुळेच चीनने आपल्या हद्दीत घुसखोरी केली आहे” असं राहुल गांधी यांनी म्हटलं आहे.

News English Summary: Prime Minister Narendra Modi is 100 per cent focused on building his own image. The occupied institutions in India are engaged in the same work.

News English Summary: Congress leader Rahul Gandhi says Prime Minister Narendra Modi is 100 percent focused on building his own image News latest Updates.