29 March 2024 4:03 PM
अँप डाउनलोड
बातम्या फ्लॅश
Adani Power Share Price | अदानी पॉवर आणि रिलायन्स इंडस्ट्रीजमध्ये मोठा करार, शेअरमध्ये मजबूत वाढीचे संकेत Skipper Share Price | अल्पावधीत 510 टक्के परतावा देणारा शेअर खरेदीला ऑनलाईन धावपळ, नेमकं कारण काय REC Share Price | 1 वर्षात REC शेअरने 292% परतावा दिला, आता एका सकारात्मक बातमीने शेअर्स खरेदीला गर्दी Reliance Share Price | खुशखबर! भरवशाचा रिलायन्स इंडस्ट्रीज शेअर देईल 55 टक्केपर्यंत परतावा, तज्ज्ञांकडून फायद्याचे संकेत Reliance Power Share Price | शेअरची किंमत 28 रुपये, अवघ्या 15 दिवसांत 40% परतावा देणारा स्टॉक लवकरच मल्टिबॅगर? IREDA Share Price | टेक्निकल चार्टवर IREDA स्टॉकची सपोर्ट लेव्हल तज्ज्ञांकडून जाहीर, स्टॉक पुढे घसरणार की तेजीत येणार? NHPC Share Price | टेक्निकल चार्टवर NHPC शेअर कोणते संकेत देतोय, सकारात्मक उपडेटनंतर तज्ज्ञांनी काय सल्ला दिला?
x

ठाकरे सरकारचा भीषण कारभार, क्वारंटाइन सेंटरमध्ये रुग्णांना एक्सपायर्ड डेटेड मेडिसिन

Expired dated tablet, Corona Patients, Jalna quarantine center

जालना, २६ जुलै: राज्यात काल कोरोना रुग्णांच्या संख्येत उच्चांकी ९२५१ रुग्णांची वाढ झाली. गेल्या काही दिवसांमध्ये सातत्याने दररोज रुग्णांची संख्या ८ ते १० हजारांच्या दरम्यान वाढत आहे. तर काल २५७ एवढ्या रुग्णांचा मृत्यू झाला. त्यामुळे रुग्णांची एकूण संख्या ३६६३६८ एवढी झाली आहे. तर १३३८९ जणांचा आत्तापर्यंत मृत्यू झाला आहे. मुंबईत १०८० रुग्णांची वाढ झालीय. त्यामुळे एकूण संख्या १०८०६० एवढी झाली आहे. तर आज ७ हजार २२७ जणांना रुग्णालयातून सुट्टी देण्यात आली.

राज्यात आत्तापर्यंत २ लाख ७ हजार १९४ जण कोरोनामुक्त झाले असून रुग्ण बरे होण्याचं प्रमाण हे ५५.५६ एवढं झालं आहे. देशात आणि राज्यात दररोज कोरोना रुग्णांचा आकडा वाढत असल्याने चिंता व्यक्त केली जात आहे. देशात कोरोना रुग्णांची संख्या आता सर्वोच्च पातळीवर आल्याचंही सांगितलं जात आहे. काल मुंबईत १ हजार ९० नवे करोना रुग्ण पॉझिटिव्ह आढळले आहेत. तर ५२ रुग्णांचा मृत्यू झाला आहे. दरम्यान मुंबईतील पॉझिटिव्ह रुग्णांची संख्या ही आता आता १ लाख ७ हजार ९८१ इतकी झाली आहे. त्यापैकी ७८ हजार ८७७ रुग्णांना डिस्चार्ज देण्यात आला आहे.

राज्यात सर्वत्र भीषण स्थिती झालेली असताना ग्रामीण भागातून धक्कादायक प्रकार समोर येतं आहेत. जालन्यात क्वारंटाइन सेंटरमध्ये उपचार घेत असलेल्या कोरोना रुग्णांना एक्सपायर्ड डेटेड cipcovit forte व्हिटॅमिन गोळ्या दिल्या जात असल्याचा धक्कादायक प्रकार सामोर आला आहे. क्वारंटाइन असलेल्या महिलेने गोळ्याच्या पाकिटावर असलेली मुदत पहिल्यानंतर गोळ्या घेण्यास विरोध केल्यानंतर ही बाब सामोर आली आहे. जालना जिल्ह्यात सर्वत्र कोरोनाचा कहर सुरु असताना ही बाब समोर आल्यानंतर खळबळ उडाली आहे.

जालना जिल्ह्यात कोरोनाचा वाढता संसर्ग पाहता शासनाने शहरासह जिल्ह्यात विविध ठिकाणी रुग्णांना क्वारंटाइन सेंटरमध्ये ठेवलं आहे. जालना शहरातील शासकीय तंत्रनिकेतन येथील मुलींच्या वसतीगृहात ४८ रुग्ण दाखल आहेत. या रुग्णांना या एक्सपायर्ड डेटेड cipcovit forte व्हिटॅमिन गोळ्या दिल्या जात असल्याची धक्कादायक बाब समोर आली आहे.

क्वारंटाइन सेंटरमध्ये उपचार घेत असलेल्या सुनंदा सुरटे या महिला रुग्णाची एक किडनी निकामी आहे. त्यांना या गोळ्या दिल्यानंतर त्यांनी गोळ्यावर असलेली मुदत पहिली. नंतर त्यांनी गोळ्या घेण्यास विरोध करत मला या गोळ्या चालत नाही, असे सांगितलं. मात्र तरी देखील त्यांचं कुणीही ऐकलं नाही. अखेर सुनंदा सुरटे यांनी नातेवाईकांना फोन करून सगळा प्रकार सांगितला. त्यानंतर हा धक्कादायक प्रकार चव्हाट्यावर आला. याबाबत नातेवाईकांनी प्रशासनाकडे तक्रार केली आहे. अद्याप या प्रकरणाची कुणीही दखल घेतली नसल्याचं सुनंदा सुरटे यांनी सांगितलं आहे. जालना जिल्ह्यात सद्या कोरोनानी थैमान घातलं आहे. जिल्ह्यात कोरोनाबाधित रुग्णांची संख्या 1764 वर पोहोचली आहे. तर 59 कोरोनाबाधित रुग्णांचा उपचारा दरम्यान मृत्यू झाला आहे.

 

News English Summary: While the situation is dire everywhere in the state, shocking types are emerging from the rural areas. Corona patients undergoing treatment at the quarantine center in Jalna have come across a shocking pattern of being given expired dated cipcovit forte vitamin pills.

News English Title: Expired dated tablet to corona patients at Jalna quarantine center News Latest Updates.

हॅशटॅग्स

#CoronaCrisis(1404)

संबंधित बातम्या

राहुन गेलेल्या बातम्या

x