28 March 2024 9:38 PM
अँप डाउनलोड
बातम्या फ्लॅश
Numerology Horoscope | 29 मार्च 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल Horoscope Today | तुमचे शुक्रवारचे राशिभविष्य | 29 मार्च 2024 | तुमच्या राशीनुसार तुमचा शुक्रवारचा दिवस कसा असेल जाणून घ्या HDFC Mutual Fund | पगारदारांनो! येथे पैसा गुंतवा, या 3 म्युच्युअल फंड योजनेत 1000 टक्क्याहून अधिक परतावा मिळेल Lloyds Enterprises Share Price | शेअरची किंमत 27 रुपये! अल्पावधीत 2337% परतावा दिला, करोडोत कमाई करणार? Gravita Share Price | शेअर असावा तर असा! 4 वर्षांत दिला 2700% परतावा, आता अल्पावधीत 29% परतावा देईल HLV Share Price | 26 रुपयाचा शेअर करतोय मालामाल, अल्पावधीत 650% परतावा, पुन्हा अप्पर सर्किटवर Adani Green Share Price | अदानी ग्रीन शेअर चार्टवर मोठे संकेत, शेअरमध्ये बंपर तेजी येणार, किती फायदा होईल?
x

VIDEO - ....तर मनसे कार्यकर्त्यांना शिवसेना स्टाईलने चोप देण्याचा इशारा

ShivSena corporator, Mahesh Gaikwad,  Warning to MNS, Avinash Jadhav

ठाणे, ३ जुलै : मनसेचे ठाणे-पालघरचे जिल्हाध्यक्ष अविनाश जाधव यांना ठाणे प्रशासनाने तडीपारीची नोटीस देऊन गुन्हा दाखल केला आहे. याप्रकरणी अविनाश जाधव यांना 1 ऑगस्टला ठाणे कोर्टात हजर करण्यात आले होते. अविनाश जाधव यांना कापूर बावडी पोलीस ठाण्यातून कोर्टात हजेरीसाठी नेत असताना मनसैनिकांनी त्यांच्यावर फुलांचा वर्षाव केला होता. यावेळी मनसैनिकांनी ठाण्याचे पालकमंत्री एकनाथ शिंदे यांच्याविरोधात जोरदार घोषणाबाजी केली होती.

अविनाश जाधव यांना (31 जुलै) ठाणे प्रशासनाने तडीपारीची नोटीस देत गुन्हा दाखल केला आहे. यानंतर त्यांना ठाण्यातील कापूर बावडी पोलीस ठाण्यात नेण्यात आले होते. अविनाश जाधव यांना कोर्टाने दोन दिवसांची पोलीस कोठडी सुनावली आहे. त्यामुळे आज ३ ऑगस्टपर्यंत अविनाश जाधव यांना पोलीस कोठडीत राहावं लागणार आहे.

“हा सर्व प्रकार राजकारणातील सूड बुद्धीने केलेला आहे. मौका सभी को मिलता है, एकवेळ सत्ता आमची देखील असेल, तेव्हा आम्ही रस्त्यावर उतरु,” असा इशारा मनसे नेते अभिजीत पानसे यांनी दिला होता. दुसरीकडे मनसेमध्ये ठाण्याचे पालकमंत्री एकनाथ शिंदे यांच्या विरोधात खदखद वाढली असून आगामी काळात त्याचे राजकीय परिणाम देखील दिसतील असं मनसेच्या पदाधिकाऱ्यांनी म्हटलं होतं.

त्यानंतर शिवसेनेच्या नेते मंडळींकडून देखील प्रतिक्रिया उमटत आहेत. शिवसेनेचे नगरसेवक आणि स्थायी समिती सदस्य महेश गायकवाड यांनी फेसबुकला व्हिडिओ शेअर करुन मनसेला इशारा दिला आहे. महेश गायकवाड म्हणाले की, पालकमंत्र्याच्या विरोधात टीका केली तर शिवसेना स्टाईलने चोप देऊ. सध्या कोरोना संकट असल्याने शिवसैनिक संयम ठेवून आहेत. पण याचा अर्थ तुम्ही काहीही बोलाल आणि सहन करू असे नाही. या पुढे जर टीका केलीत तर आता शिवसेना स्टाईलने चोप देऊ, असा इशारा महेश गायकवाड दिला आहे. त्यामुळे ठाण्यातील मनसे आणि शिवसेनेचा वाद चिघळण्याची शक्यता वर्तवण्यात येत आहे.

पालकमंत्र्यानी कोल्हापूर, सांगलीचा पूर असो किंवा आता आलेले कोरोना संकट असो, अशा प्रत्येक वेळी आपला जीव धोक्यात घालून काम केल आहे. त्यांना कुणाच्या पोचपवतीची गरज नाही, असं देखील महेश गायकवाड यांनी सांगितले आहे.

 

News English Summary: Shiv Sena corporator and standing committee member Mahesh Gaikwad has warned MNS by sharing a video on Facebook. Mahesh Gaikwad said that if he criticizes the Guardian Minister, he will give a beating in Shiv Sena style.

News English Title: Shiv Sena corporator Mahesh Gaikwad has given a warning to MNS News Latest Updates.

हॅशटॅग्स

#AvinashJadhav(12)#Shivsena(1170)

संबंधित बातम्या

राहुन गेलेल्या बातम्या

x