कंगनाच्या अनधिकृत बांधकामावर हातोडा | मुंबईला पुन्हा PoK म्हणाली

मुंबई, ९ सप्टेंबर : आज ९ सप्टेंबरला कंगना मुंबईत येणार आहे. मुंबईतील खारमध्ये कंगनाचं घर आहे. पाली हिल परिसरात तिचं कार्यालय आहे. या कार्यालयाची काल मुंबई महापालिकेच्या काही अधिकाऱ्यांनी पाहणी केली होती. कार्यालय अनधिकृत नाही ना, रस्त्यावर अतिक्रमण तर झालेलं नाही ना, याची तपासणी करण्यासाठी अधिकारी आले होते.

कंगनाच्या कार्यालयात सध्या रंगरंगोटीचं काम सुरू आहे. त्यांचीही पालिकेच्या अधिकाऱ्यांनी जुजबी चौकशी केली. कार्यालयाशेजारी असणाऱ्या बंगल्यांचीदेखील पाहणी करण्यात आली. त्यावेळी अधिकाऱ्यांनी शेजारीच असलेल्या रस्त्यांचीही मोजणी केली होती. त्यामुळे आता पालिका काय कारवाई करणार, याकडे सगळ्यांचं लक्ष लागलं होतं.

दरम्यान, कंगना रानौत आणि शिवसेना यांच्यात वाकयुद्ध सुरू असताना आता कंगनाचं मुंबईतील कार्यालय महापालिकेच्या रडारवर आहे. काल पालिका अधिकाऱ्यांनी कंगनाच्या पाली हिलमधील कार्यालयाची पाहणी केल्यानंतर आता अनधिकृत बांधकाम तोडण्याच्या कामाला लागली आहे. त्यासाठी बुलडोझर आणि हातोडे घेऊन कर्मचारी कंगनाच्या कार्यालयाकडे पोहोचले आहे.

मात्र त्यानंतर कंगना संतापल्याचं पाहायला मिळत आहे. याबाबत तिने ट्विट करताना म्हटलं आहे की, “मी चुकीची नव्हते….माझ्या शत्रूंनी सिद्ध केलं..माझी मुंबई आता पाक व्याप्त काश्मीर झाली आहे.. असं म्हटलं आहे.

I am never wrong and my enemies prove again and again this is why my Mumbai is POK now #deathofdemocracy 🙂 pic.twitter.com/bWHyEtz7Qy

— Kangana Ranaut (@KanganaTeam) September 9, 2020

News English Summary: Amid the ongoing tussle between Bollywood actor Kangana Ranaut and the ruling Shiv Sena, BMC has started with the demolition of several illegal constructions at the actor’s office in Mumbai. Kangana Ranaut, who is on her way to Mumbai, has been tweeting on the demolition, comparing Mumbai to Pakistan.

News English Title: BMC took action on Kangana Ranaut office then she called Mumbai PoK again Marathi News LIVE latest Updates.