MPSC परीक्षा आरक्षणाच्या निकालापर्यंत पुढे ढकला | अन्यथा परीक्षा उधळून लावू

मुंबई, १ ऑक्टोबर: महाराष्ट्र लोकसेवा आयोगाच्यावतीने रविवार, दिनांक ११ ऑक्टोबर २०२० रोजी आय़ोजित राज्यसेवा पूर्व परीक्षा-२०२० (MPSC Prelims 2020 Exam) साठी प्रवेश दिलेल्या उमेदवारांची प्रवेश प्रमाणपत्रं आयोगाच्या ऑनलाईन अर्ज प्रणालीच्या संकेतस्थळावर उमेदवारांच्या प्रोफाईलद्वारे उपलब्ध करून देण्यात आली आहेत. या संदर्भात आयोगाच्यावतीने परिपत्रकाद्वारे कळवण्यात आले आहे.

कोरोना आपत्तीमुळे अनेकवेळा परीक्षा पुढे ढकलावी लागली होती आणि त्यानंतर उमेदवारांकडून मोठ्या प्रमाणात नाराजी व्यक्त होऊ लागल्याने आयोगाने सुधारित वेळापत्रक जाहीर केलं होतं. मात्र आता उमेदवारांची प्रवेश प्रमाणपत्रं देखील उपलब्ध करून देण्यात आल्यानंतर मराठा आरक्षणाच्या मुद्यामुळे राज्य सरकार आणि महाराष्ट्र लोकसेवा आयोगापुढे दुसरी मोठी समस्या उभी राहिली आहे.

मराठा क्रांती मोर्चाने आरक्षणाचा निकाल येत नाही तोपर्यंत MPSC परीक्षा पुढे ढकलाव्या अन्यथा थेट परीक्षा केंद्रांवर धडक देऊन परीक्षा उधळून लावू असा इशाराच राज्य सरकारला दिला आहे. मराठा क्रांती मोर्चाच्या प्रतिनिधींनी यासंदर्भात टीव्ही वृत्तवाहिन्यांना कॉल करून माहिती सरकार पर्यंत पोहोचवली आहे. त्यामुळे उमेदवारांसहित, राज्य सरकार आणि महाराष्ट्र लोकसेवा आयोगाची चिंता वाढली आहे.

MPSC Exam | अखेर सुधारित वेळापत्रक जाहीर pic.twitter.com/oh4XDLaFNv

— महाराष्ट्रनामा न्यूज (@MahaNewsConnect) September 7, 2020

News English Summary: The Maratha Kranti Morcha has warned the state government to postpone the MPSC exams till the result of the reservation, otherwise it will disrupt the exams by hitting the examination centers directly. Representatives of Maratha Kranti Morcha have called TV news channels and conveyed the information to the government. Therefore, the tension of the state government and the Maharashtra Public Service Commission, including the candidates, has increased.

News English Title: MPSC Prelims 2020 Exam have to postpone said Maratha Kranti Morcha to state government Marathi News LIVE latest updates.