ट्रॅक्टरच्या गाद्याच सोडा, ८००० कोटीच्या विमानातील ५० पलंगांवर सुद्धा बोला | सणसणीत टोला

नवी दिल्ली, ६ ऑक्टोबर : काँग्रेसचे माजी अध्यक्ष आणि खासदार राहुल गांधी सध्या कृषी कायद्याविरोधात पंजाबमध्ये सुरू असलेल्या आंदोलनात सहभागी झालेत. यावेळी, ट्रॅक्टरवर एका कुशन लावलेल्या खुर्चीवर ते बसलेले काही फोटो समोर आले होते. केंद्रीय मंत्री स्मृती इराणी यांनी यावर बोट ठेवत सोमवारी राहुल गांधी यांना ‘व्हीआयपी शेतकरी’ म्हणत टीकाही केली होती. यालाच आज पत्रकार परिषदेत राहुल गांधी यांनी जोरदार प्रत्यूत्तर दिलंय. ‘गाद्यांची गोष्ट करणारे ८००० कोटी रुपयांच्या विमानात गप्प का आहेत? त्या विमानात गाद्याच नाहीत तर ५० पलंग आहेत’ असं म्हणत राहुल गांधी यांनी पुन्हा एकदा पंतप्रधान मोदींवर निशाणा साधलाय.

‘हा प्रश्न कधीही विचारला जाणार नाही की नरेंद्र मोदी यांनी ८००० कोटींचे विमानं का खरेदी केले? त्यामध्ये गाद्याच नाहीत तर पलंग आहेत. एक नाही तर ५० पलंग असतील त्यात, हे ते कधीच विचारणार नाहीत की आमच्या पंतप्रधानांनी ८००० कोटींचं विमान खरेदी केलं, का तर त्यांचे मित्र ट्रम्प यांच्याकडे ८००० कोटींचं विमान आहे तर मग यांनाही हवंय, पण हे मात्र नक्कीच म्हणतील की राहुल गांधी, अमरिंदर सिंह गेले, ट्रॅक्टरवर बसले होते आणि कुणीतरी कुशन त्याला लावलं’ असं यावेळी राहुल गांधी यांनी म्हटलंय.

गद्दे की बात करने वाले 8000 करोड़ के जहाज पर चुप क्यों हैं? उस जहाज में गद्दा छोड़िए, पलंग है। 50 पलंग हैं।#किसान_न्याय_यात्रा pic.twitter.com/zuxKY0LM2x

— Congress (@INCIndia) October 6, 2020

राहुल गांधी ‘शेती वाचवा यात्रा’ आंदोलनात ते ट्रॅक्टर रॅलीत सहभागी झाले होते. यावर २०१९ साली लोकसभा निवडणुकीत राहुल गांधींना अमेठीतून पराभूत करणाऱ्या स्मृती इराणी यांनी टीका केली होती. ‘ते ट्रॅक्टरवरही सोफा लावून बसतात. त्यांच्याप्रमाणेच व्हीआयपी शेतकरी कधीही त्या प्रणालीचं समर्थन करणार नाहीत ते छोट्या शेतकऱ्यांना दलालांच्या तावडीतून सोडवण्यासाठी तयार करण्यात आलेत’ असं स्मृती इराणी यांनी म्हटलं होतं.

न्याय का ये कारवां न रुका है और न रुकेगा।
किसान हितों के लिए हर कांग्रेसी लड़ेगा।।#किसान_न्याय_यात्रा pic.twitter.com/Bp3ilgl5Iy

— Congress (@INCIndia) October 6, 2020

News English Summary: A special Air India One aircraft built in America for the Prime Minister and President of the country has arrived in India on Thursday, October 1. Two high-tech aircraft of ‘Air India One’ landed at Delhi Airport today. The two VVIP aircraft have already taken flight tests at its Boeing headquarters in Chicago. Teams of Air India engineers and pilots of the Indian Air Force fly the Boeing-777 equipped with both missile defence systems from the US. Although Air India would receive the plane, it will be operated by IAF. It has its own missile defence system, called the Large Aircraft Infrared Countermeasures (LAIRCM) and Self-Protection Suites (SPS) besides the state-of-the-art communication system.

News English Title: Union Minister Smriti Irani Vs Rahul Gandhi Rahul Gandhi used sofa seat in on tractor Marathi News LIVE latest updates.