संघप्रणित मजदूर संघाचा कामगारविरोधी तरतुदींना विरोध | भाजपाची डोकेदुखी वाढणार

नवी दिल्ली, ७ ऑक्टोबर : राष्ट्रीय स्वयंसेवक संघप्रणित भारतीय मजदूर संघाने (बीएमएस) कामगार संहितांमधील कामगारविरोधी तरतुदींना तीव्र विरोध केला आहे. या तरतुदी मागे न घेतल्यास २८ ऑक्टोबरला देशभरात निदर्शने करण्याचा इशारा संघाने दिला आहे.

आपल्या मागण्यांकडे सरकारने लक्ष न दिल्यास संप तसेच अन्य पद्धतीने दीर्घकाळ आंदोलन करण्याची बीएमएसची योजना आहे. बीएमएसच्या गेल्या आठवड्यात व्हर्चुअल माध्यमातून झालेल्या राष्ट्रीय परिषदेत यासंदर्भात ठराव मंजूर करण्यात आला होता. याची माहिती संघटनेच्या पदाधिकाऱ्यांनी मंगळवारी पत्रकार परिषदेच्या माध्यमातून दिली.

संसदेने पावसाळी अधिवेशनात औद्योगिक संबंध संहिता २०२०, सामाजिक सुरक्षासंहिता २०२० आणि व्यावसायिक सुरक्षा, आरोग्य आणि कामाच्या ठिकाणी वातावरण विधेयक ही तीन कामगार संहिता विधेयके मंजूर केली. चौथे, वेतन संहिता विधेयक हे संसदेने ऑगस्ट २०१९मध्ये मंजूर केले आहे. मात्र त्याला अंतिम रूप देण्याची आणि अंमलबजावणीची प्रक्रिया अद्याप झालेली नाही. या चारही कामगार संहिता डिसेंबरपर्यंत एकाच टप्प्यात लागू करण्याची केंद्र सरकारची योजना आहे.

News English Summary: The Bharatiya Mazdoor Sangh (BMS) will organise all-India agitation against what it alleges are “anti-worker provisions” in the new Labour Codes. At its 19th National conference, the BMS, an affiliate of the Rashtriya Swayamsevak Sangh (RSS), passed six resolutions seeking the withdrawal of anti-worker provisions in the new Labour Codes; a consultation meeting with BMS and other trade unions to make the Labour Codes beneficial to both worker and industry and formulation of a national employment policy.

News English Title: Bharatiya Mazdoor Sangh to protest against anti worker provisions in new labour codes Marathi News LIVE latest updates.