28 March 2024 10:02 PM
अँप डाउनलोड
बातम्या फ्लॅश
Numerology Horoscope | 29 मार्च 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल Horoscope Today | तुमचे शुक्रवारचे राशिभविष्य | 29 मार्च 2024 | तुमच्या राशीनुसार तुमचा शुक्रवारचा दिवस कसा असेल जाणून घ्या HDFC Mutual Fund | पगारदारांनो! येथे पैसा गुंतवा, या 3 म्युच्युअल फंड योजनेत 1000 टक्क्याहून अधिक परतावा मिळेल Lloyds Enterprises Share Price | शेअरची किंमत 27 रुपये! अल्पावधीत 2337% परतावा दिला, करोडोत कमाई करणार? Gravita Share Price | शेअर असावा तर असा! 4 वर्षांत दिला 2700% परतावा, आता अल्पावधीत 29% परतावा देईल HLV Share Price | 26 रुपयाचा शेअर करतोय मालामाल, अल्पावधीत 650% परतावा, पुन्हा अप्पर सर्किटवर Adani Green Share Price | अदानी ग्रीन शेअर चार्टवर मोठे संकेत, शेअरमध्ये बंपर तेजी येणार, किती फायदा होईल?
x

गर्दी होतं नसल्याने भाजपच्या सभेत रिकाम्या खुर्च्यांवर लहान मुलं | फडणवीस होते उपस्थित

Bihar Assembly Election 2020, empty chairs, BJP rally

मुंगेर , १८ ऑक्टोबर : बिहारमधील राष्ट्रीय लोकशाही आघाडीतून (एनडीए) लोकजनशक्ती पक्ष बाहेर पडला असून स्वबळावर निवडणूक लढवण्याचा निर्णय घेतला आहे. पक्षाने शुक्रवारी उमेदवारांची दुसरी यादीही जाहीर केली. लोकजनशक्ती आता ‘एनडीए’त नसल्याने मोदींच्या छायाचित्रांचा वापर निवडणूक प्रचारासाठी न करण्याची ताकीद भाजपने दिली होती. त्यावर चिराग यांनी ‘मोदी माझ्या हृदयात वसतात’ असे विधान केले. मात्र चिराग यांनी भाजपच्या नेत्यांवर टीका न करता बिहारचे मुख्यमंत्री नितीशुकमार यांना लक्ष्य बनवले. मोदींचे छायाचित्र लावण्याची खरी गरज मुख्यमंत्री नितीशकुमार यांना आहे. त्यांनी नेहमीच मोदींचा अपमान केला, राजकीय विरोधही केला आहे, असेही चिराग म्हणाले होते.

पंतप्रधान नरेंद्र मोदी यांच्या बिहारमधील प्रचार दौऱ्याची सुरुवात २३ ऑक्टोबरला होत असून चार दिवसांत ते १२ प्रचारसभा घेतील. २३ व २८ ऑक्टोबर, १ व ३ नोव्हेंबर अशा चारही दिवशी मोदींच्या प्रत्येकी तीन सभा होतील.

दुसरीकडे बिहार निवडणुकीसाठी राज्यात रणधुमाळी सुरू आहे. कोरोनाकाळात जनतेपर्यंत पोहचण्यासाठी सर्वच पक्षांचे नेते वेगवेगळ्या युक्त्या लढवत आहेत. पण, अनेक ठिकाणी व्हर्च्युअल नाही तर मैदानातल्या जाहीर सभाही भरवल्या जात आहेत. ‘नवभारत टाईम्स’नं दिलेल्या माहितीनुसार, शनिवारी मुंगेर जिल्ह्यात दोन सार्वजनिक सभा आयोजित करण्यात आल्या होत्या. या दोन्ही सभांमधलं चित्र परपस्परविरोधी होतं.

यातील पहिली सभा मुंगेर विधानसभा मतदारसंघातील भाजपचे उमेदवार प्रणब यादव यांच्यासाठी आयोजित करण्यात आली होती. या सभेत महाराष्ट्राचे माजी मुख्यमंत्री देवेंद्र फडणवीस, भूपेंद्र यादव आणि खासदार ललन सिंह हेदेखील उपस्थित होते. तर इथून काही किलोमीटर अंतरावर तारापूरमध्ये विरोधी नेते तेजस्वी यादव यांची सभा भरली होती.

मुंगेर शहरापासून काही अंतरावर भाजप आणि जेडीयूचे अनेक बडे नेते सहभागी झाले होते. परंतु,रॅलीला फारशी गर्दी आढळून आली नाही. जवळपास १००० लोकंही या सभेत नव्हती. मागच्या बाजुच्या खुर्च्या रिकाम्या पडल्या होत्या. अनेक खुर्च्या मांडल्याही गेल्या नव्हत्या. मांडलेल्या खुर्च्यांवर मोदींचा मुखवटा घातलेली अनेक लहान मुलंही बसलेली पाहायला मिळाली.

दुसरीकडे, भाजपच्या सभेपासून ४० किलोमीटर अंतरावर तारापूरमध्ये महाआघाडीचे उमेदवारी तेजस्वी यादव मतं मागण्यासाठी दाखल झाले होते. तेजस्वी यांना पाहण्यासाठी हजारोंच्या संख्येनं गर्दी जमा झाली होती. परंतु, सभेसाठी हजर झालेल्या अनेकांनी मास्क परिधान केले नव्हते. ‘सोशल डिस्टन्सिंग’चा कुठेही थांगपत्ता नव्हता. तेजस्वी यांना पाहण्यासाठी लोकांनी आसपासच्या अनेक घरांच्या छतावरदेखील गर्दी केली होती. निर्धारीत वेळेपेक्षा जवळपास दोन तास उशिरानं तेजस्वी इथं दाखल झाले. परंतु, त्यांना पाहण्यासाठी लोकांनी तळपत्या उन्हात एवढा वेळ वाटही पाहिली. सभेत दाखल झाल्यानंतर तेजस्वी यांनी १० मिनिटांचं भाषण दिलं.

 

News English Summary: The battle for Bihar elections is on in the state. Leaders of all parties are fighting different tactics to reach out to the masses in the Corona era. However, in many places public meetings are being held, not just virtual ones. According to the Navbharat Times, two public meetings were held in Munger district on Saturday. The picture between the two meetings was contradictory. The rally was not very crowded. About 1,000 people were not present. The back chairs were empty. Many of the chairs were not even laid out. Many children wearing Modi’s mask were also seen sitting on the chairs.

News English Title: Bihar Assembly Election 2020 empty chairs in BJP rally New Updates.

हॅशटॅग्स

#BiharAssemblyElection2020(62)

संबंधित बातम्या

राहुन गेलेल्या बातम्या

x