BREAKING | आरजेडीने भाजपाला मागे टाकलं | एनडीएची डोकेदुखी वाढली

पाटणा, १० नोव्हेंबर: बिहार निवडणुकीचे अंतिम निकाल (Bihar Assembly Election 2020 vote counting) हाती येण्यासाठी रात्र होणार असून सध्याची आकडेवारी पाहता बिहारमध्ये भारतीय जनता पक्षाप्रणीत राष्ट्रीय लोकशाही आघाडीची सत्तेच्या दिशेने घोडदौड सुरु असली तरी आता RJD’ने पुन्हा झेप घेत भारतीय जनता पक्षाला मागे टाकत सर्वात मोठा पक्ष होण्याच्या दिशेने कूच केली आहे.

बिहारच्या मतमोजणीला रात्री उशीर होणार आहे. कोरोनामुळे मतमोजणी केंद्र वाढविण्यात आली आहेत. यामुळे मध्यरात्रीपर्यंत मोजणी सुरु राहणार असल्याचे निवडणूक आयोगाने स्पष्ट केले आहे. मतमोजणी सुरु करून १० तास उलटले तरी अद्याप केवळ १४ जागांचाच निकाल हाती आला आहे. यामध्ये भारतीय जनता पक्ष 6 जागांवर जिंकली आहे. MIM’ने पहिल्यांदाच खाते उघडले आहे. काँग्रेस १, JDU २, RJD २ आणि व्हीआयपी पक्षाने 2 जागा जिंकल्या आहेत.

दरम्यान, राजदने भारतीय जनता पक्षाचा सर्वात मोठ्या पक्षाचा खिताब काही काळासाठी का होईन काढून घेतला आहे. आज तकने दिलेल्या आकडेवारीनुसार NDA 123 तर RJD महाआघाडी 113 जागांवर आघाडीवर आहे. तर निवडणूक आयोगाच्या आकडेवारीनुसार भारतीय जनता पक्ष 72, राजद 74, जदयू 43, काँग्रेस 20, सीपीआयएल 12 आणि इतर जागांवर अन्य पक्ष आघाडीवर असल्याचे म्हटले आहे.

News English Summary: The RJD has for some time taken away the title of the largest party of the Bharatiya Janata Party. As of today, the NDA is leading with 123 seats while the RJD is leading with 113 seats. According to the Election Commission, the Bharatiya Janata Party (BJP) has 72 seats, the RJD 74, the JD (U) 43, the Congress 20, the CPIL 12 and others.

News English Title: Bihar Assembly Election 2020 RJD party again gone ahead of BJP for single largest party news updates.