आता राज्यात लॉकडाऊन करायचा असल्यास केंद्राची परवानगी लागणार - सविस्तर वृत्त

नवी दिल्ली, २५ नोव्हेंबर: केंद्र सरकारने बुधवारी करोनाबाबत नवीन मार्गदर्शक सूचना जारी केल्या आहेत. राज्यांनी खबरदारी घेतली पाहिजे. देखरेख, कंटेन्मेंट आणि सावधगिरी बाळगताना कठोर रहावं लागेल. राज्यांना त्यांच्या परिस्थितीनुसार निर्बंध लागू करण्यास सूट देण्यात आली आहे, असं केंद्र सरकारनं म्हटलं आहे.

कंटेन्मेंट झोनमध्ये रात्रीची संचारबंदीही लागू करता येईल. पण कंटेन्मेंट झोनच्या बाहेर स्थानिक पातळीवर लॉकडाउन लागू करण्यासाठी मंजुरी घ्यावी लागेल, असंही केंद्राने स्पष्ट केलं आहे. केंद्राची ही मार्गदर्शक सूचना १ डिसेंबरपासून लागू होणार आहे. करोनाविरूद्धच्या लढाईत आपण आतापर्यंत मिळवलेलं यश कायम राखलं पाहिजे, असं आवाहन केंद्रानं राज्यांना केलं आहे.

आता देशातील कोणत्याही राज्यात लॉकडाऊन लागू करायचा असेल, तर आता त्यासाठी केंद्र सरकारची परवानगी आवश्यक असेल. केंद्रीय गृहमंत्रालयाकडून आज कोरोनाच्या पार्श्वभूमीवर नव्या मार्गदर्शक सूचना जाहीर करण्यात आल्या आहेत. त्यानुसार आता कंटेन्मेंट झोन वगळता इतर भागांमध्ये लॉकडाऊन करण्यासाठी राज्यांना केंद्र सरकारची परवानगी घ्यावी लागेल. तर कंटेन्मेंट झोनमध्ये केवळ अत्यावश्यक सेवांना परवानगी द्यावी. तसेच कंटेन्मेंट झोन मार्किंग करण्यात यावे, असे केंद्रीय गृहमंत्रालयाने म्हटले आहे.

News English Summary: If the lockdown is to be implemented in any state of the country now, it will now require the permission of the Central Government. The Union Home Ministry today issued new guidelines on the background of corona. Accordingly, states will now have to seek permission from the central government to lockdown in areas other than the containment zone. So only essential services should be allowed in the containment zone. Also, containment zone marking should be done, the Union Home Ministry has said.

News English Title: State government need Union government permission for lockdown ahead news updates.