वाढीव वीजबिल | मनसेचा महामोर्चा | ठाण्यात उद्धव ठाकरे हाय-हाय घोषणाबाजी

मुंबई, २६ नोव्हेंबर: वाढीव वीजबिलाविरोधात महाराष्ट्र नवनिर्माण सेना आक्रमक झाली (MNS party Protest against High Electricity Bills) असून आज (२६ नोव्हेंबर) राज्यभरात ठिकठिकाणी आंदोलन केलं जात आहे. मुंबई, पुणे, नाशिक, औरंगाबादसहित अनेक ठिकाणी महाराष्ट्र सैनिक आक्रमक झाल्याचं पहायला मिळत असून राज्य सरकारविरोधात आक्रोश व्यक्त केला जात आहे. काही ठिकाणी पोलिसांनी महाराष्ट्र नवनिर्माण सेनेच्या कार्यकर्त्यांवर कारवाई केली असून अटक केली आहे. तर काही जणांना ताब्यात घेण्यात आलं आहे. दरम्यान आंदोलन करणाऱ्या महाराष्ट्र सैनिकांना पक्षप्रमुख राज ठाकरेंनी सक्त आदेश दिला आहे.

सर्वसामान्य नागरिकांना आलेल्या वाढीव वीज बिलांच्या विरोधात महाराष्ट्र नवनिर्माण सेनेनं आज मोर्चाचं आयोजन केलं आहे. अनेक शहरांत पोलिसांनी मोर्चाला परवानगी नाकारली असली तरी कार्यकर्ते रस्त्यावर उतरले आहेत. वीज दरवाढीविरोधात महाराष्ट्र नवनिर्माण सेनेनं जिल्हाधिकारी कार्यालयावर जन आक्रोश महामोर्चाचं आयोजन (Maharashtra Navnirman Sena Jan Akrosh Morcha) केलंय. यासाठी मुंबईच्या विविध भागांतून महाराष्ट्र नवनिर्माण सेनेचे शेकडो कार्यकर्ते मोठ्या संख्येने जमल्याचं पाहायला मिळालं.

दरम्यान, ठाण्यात अविनाश जाधव यांच्या नैत्रुत्वात हजारो कार्यकर्त्यांनी मोर्चा काढला. यावेळी पोलीस आणि महाराष्ट्र सैनिकांदरम्यान झटापट देखील झाली. मोर्चा जिल्हाधिकारी कार्यालयाकडे जाण्याआधीच पोलिसांनी मोर्चा रोखला आणि वादावादी सुरु झाली. त्यावेळी पोलिसांनी पदाधिकाऱ्यांना ताब्यात घेऊन गाडीत बसवले, मात्र यावेळी संतापलेल्या पदाधिकारी आणि कार्यकर्त्यांकडून मुख्यमंत्री उद्धव ठाकरे यांच्या विरोधात ‘उद्धव ठाकरे हाय-हाय’ अशी जोरदार घोषणाबाजी केल्याचं पाहायला मिळालं.

News English Summary: Thousands of activists marched in Thane under the leadership of Avinash Jadhav. There was also a scuffle between the police and Maharashtra soldiers. Police in riot gear stormed a rally on Friday, removing hundreds of protesters by truck. At that time, the police arrested the office bearers and put them in the car, but this time the angry office bearers and activists were seen shouting ‘Uddhav Thackeray hay-Hay’ against Chief Minister Uddhav Thackeray.

News English Title: MNS Thane Protest against high electricity bills in leadership of Avinash Jadhav news updates.