MHT CET Result 2020 | सीईटी निकालात टॉपर्स संख्येत वाढ

मुंबई, ३० नोव्हेंबर: राज्य सामाइक प्रवेश परीक्षा कक्षामार्फत (CET Cell) इंजिनीअरिंग, औषधनिर्माणशास्त्र आणि कृषी अभ्यासक्रमांच्या प्रथम वर्ष पदवी प्रवेशासाठी घेण्यात आलेल्या MHT-CET परीक्षेचा निकाल शनिवारच्या रात्री उशिरा प्रसिद्ध करण्यात आला. सदर निकालात PCB Group १९, तर PCM Group २२ विद्यार्थ्यांना १०० पर्सेंटाइल गुण मिळाले आहेत. त्याचप्रमाणे ८५ पर्यंत पर्सेंटाइल मिळवणाऱ्या एकूण विद्यार्थ्यांची संख्या PCM Group २६ हजार ५०२, तर PCB Group मध्ये एकूण ३२ हजार ७९६ विद्यार्थी इतकी आहे.

सदर निकालात यंदा टॉपर्सची संख्या अधिक आहे. गेल्या वर्षी १०० पर्सेंटाइल असलेल्या विद्यार्थ्यांची संख्या दोन्ही गटांमध्ये केवळ दोन इतकी होती. तर ९९ पर्सेंटाइल असलेल्या विद्यार्थ्यांची संख्या दोन्ही गटांत मिळून एकूण ९०० इतकी होती. ही यंदा PCM Group १,७८५; तर PCB Group २,१८२ इतकी आहे. यामुळे यंदा इंजिनीअरिंगमध्ये चांगल्या कॉलेजांमध्ये प्रवेश घेण्यासाठी चुरस पाहवयास मिळणार आहे. तर औषधनिर्माणशास्त्र कॉलेजांतही प्रवेशासाठी चांगलीच चुरस पाहवयास मिळणार आहे. यंदा तीन लाख ८६ हजार ६०४ विद्यार्थ्यांनी ही परीक्षा दिली. यात एक लाख ७४ हजार ६७९ विद्यार्थ्यांनी पीसीएम, तर दोन लाख ११ हजार ९२५ विद्यार्थ्यांनी पीसीबी ग्रुपमधून परीक्षा दिली आहे.

मार्क्स प्रमाणे विद्यार्थीसंख्या

पर्सेंटाइल / पीसीएम / पीसीबी

१०० — २२ — १९

९९ — १७८५ — २१८२

९८ — १७७६ –२१९७

९७ — १८३१ — २१४९

९६ — १७११ — २१२८

९५ — १७५२ — २१६०

News English Summary: The results of the MHT-CET examination conducted by the State Common Entrance Examination Cell (CET Cell) for admission to the first year degree courses in Engineering, Pharmacology and Agriculture were released late on Saturday night. In this result 19 students of PCB Group and 22 students of PCM Group got 100 percentile marks. Similarly, the total number of students who get percentile up to 85 is 26,502 in PCM Group and 32,796 in PCB Group.

News English Title: MHT CET result 2020 increase in number of toppers News updates.