आता महाविकास आघाडीचे सरकार सांगून पाडणार नाही | थेट कृती करणार - दरेकर

उस्मानाबाद, ५ डिसेंबर : कालच्या निकालानंतर तोंडघशी पडल्यानंतर देखील भारतीय जनता पक्षाचे नेते काही धडा घेताना दिसत नाही. महाविकास आघाडी सरकारची स्थापना होऊन एक वर्ष देखील पूर्ण झालं आहे. मात्र भारतीय जनता पक्षाच्या राज्यातील नेत्यांना अजून सरकार कधी पडणार याचीच स्वप्नं पडत असून सामान्य लोकांच्या प्रश्नावर तुरळक आणि सरकार पडण्यावरच वारंवार भाष्य करताना दिसत आहेत.

भारतीय जनता पक्ष आता महाविकासआघाडीचे सरकार कधी पाडणार हे सांगणार नाही, आम्ही थेट कृती करु. परंतु, आम्ही राज्यात सरकार नक्की स्थापन करु, असे सूचक वक्तव्य विधानपरिषदेचे विरोधी पक्षनेते प्रविण दरेकर (Vidhan Parishad Leader Pravin Darekar) यांनी केले. सरकार पाडण्यासंदर्भात बोलण्यापेक्षा आता कृतीवर लोकांचा जास्त विश्वास बसेल. त्यामुळे आम्ही सरकार पाडण्यासाठी आणखी किती महिने लागतील, हे सांगणार नाही, असे प्रविण दरेकर यांनी स्पष्ट केले.

प्रविण दरेकर यांनी शनिवारी उस्मानाबादमध्ये प्रसार माध्यमांशी संवाद साधला. चांगल्या गोष्टी असेल तर बदल झाला पाहिजे. पराभवातून काही गोष्टी घेण्यासारख्या असतील तर त्या दुरुस्त केल्या पाहिजेत. महाविकास आघाडी सरकार पाडण्यासंदर्भात आता आम्ही बोलण्यापेक्षा कृतीवर भर देऊ. त्यामुळे भारतीय जनता पक्षाचे इतर नेत्यांनी देखील सरकार बदलासंदर्भात बोलणे बंद केले तर ते चांगले ठरेल, असे देखील प्रविण दरेकर यांनी सांगितले.

एका जत्रेने देव म्हातारा होत नाही. तसेच अर्ध्या हळकुंडाने पिवळे होण्याची गरज नसते. अजून खूप निवडणुका बाकी आहेत. छोट्यामोठ्या चकमकी होत असतात, त्यामध्ये महाविकासआघाडी जिंकली आहे. परंतु, अजून मुख्य लढाई बाकी आहे. जनतेने हैदराबादमध्ये काय कौल दिला, हे सर्वांसमोर आहे. भारतीय जनता पक्षाच्या जागांमध्ये दसपटीने वाढ झाली आहे. परंतु, आम्ही विधानपरिषदेतील पराभवासंदर्भात जरुर आत्मचिंतन करु, असे प्रवीण दरेकर यांनी म्हटले.

News English Summary: The Bharatiya Janata Party will not say when it will overthrow the Mahavikasaghadi government, we will take direct action. However, we will definitely form a government in the state, said Pravin Darekar, Leader of Opposition in the Legislative Council. People will now have more faith in action than in talking about overthrowing the government. Therefore, we will not say how many more months it will take to overthrow the government, explained Pravin Darekar.

News English Title: MahaVikas Aghadi government will collapse soon said BJP Leader Pravin Darekar News updates.