बुरे दिन आने वाले है | पेट्रोलची किंमत 100 रुपये पर्यंत पोहोचण्याची शक्यता

मुंबई, १७ डिसेंबर: पेट्रोलियम कंपन्यांनी आज गुरुवारी पेट्रोल आणि डिझेल दरात कोणताही बदल केला नाही. सलग दहाव्या दिवशी इंधन दर स्थिर आहेत. थंडीची लाट आल्याने तापमान सामान्य ठेवण्यासाठी काही देशांमध्ये सेंट्रलाइज हिटिंग सिस्टम सुरु करण्यात आली आहे. या प्रणालीसाठी इंधनाची गरज लागते. त्यामुळे मागील दोन दिवसांपासून कच्च्या तेलाची मागणी वाढली आहे.

पेट्रोल आणि डीझेलच्या किमतीत सातत्याने वाढ होत आहे. त्यामुळे महागाईही वाढताना पाहायला मिळत आहे. गुरुवारी मुंबईमध्ये पेट्रोल प्रति लीटर 90.34 रुपये, तर डीझेल 80.51 रुपये प्रति लीटर आहे. नोव्हेंबरच्या सुरुवातीपासून कच्च्या तेलाच्या किमतीत प्रति बॅरल 30 टक्क्यांनी वाढ होऊन 51 डॉलर प्रति बॅरल झाली आहे. महाराष्ट्रातील परभणीमध्ये सर्वात महाग म्हणजे 92.76 रुपये प्रति लीटरच्या दराने पेट्रोल मिळत आहे.

पेट्रोल आणि डीझेलच्या किमतीत अचानक का वाढ होतेय? असा प्रश्न विचारला जात आहे. त्यावर तज्ज्ञांनी दिलेल्या माहितीनुसार कच्च्या तेलाची किंमत 9 महिन्यातील सर्वाधिक स्तरावर पोहोचली आहे. मार्चनंतर पहिल्यांदाच क्रूड ऑईलची किंमत 50 डॉलर प्रति बॅरलच्या वर आहे. अशा स्थितीत पेट्रोलची किंमत 100 रुपये प्रति लिटरपर्यंत पोहोचण्याची शक्यता आहे. तर डीझेलच्या किमतीतही मोठी वाढ होण्याची शक्यता व्यक्त केली जात आहे.

दरम्यान, कच्च्या तेलाच्या किमतीत मोठी घट होण्याची शक्यता नाही. पण पुढील काही दिवसांत 2 ते 4 डॉलर प्रति बॅरलपर्यंत तेलाच्या किमती कमी होण्याच अंदाज तज्ज्ञांनी व्यक्त केलाय. पण सरकारने करात सवलत दिली तर पेट्रोल आणि डीझेलच्या किमती थोड्या कमी होऊ शकतील.

News English Summary: Petrol and diesel prices have been steadily rising. As a result, inflation is on the rise. In Mumbai, petrol is priced at Rs 90.34 per liter and diesel at Rs 80.51 per liter on Thursday. Since the beginning of November, crude oil prices have risen 30 percent to डॉलर 51 a barrel. In Parbhani, Maharashtra, petrol is the most expensive at Rs 92.76 per liter.

New English Title: Petrol diesel prices have been steadily rising news updates.