Crime Patrol | ९ वर्षाच्या सावत्र मुलाला गरम तव्यावर उभं करून पायाला चटके

बुलढाणा, १९ डिसेंबर: सध्या कौटुंबिक स्तरावरील गुन्हेगारी प्रचंड प्रमाणात वाढली असून त्यात लहान मुलांचे बळी जात आहेत. शुल्लक कारणांवरून घरातील जवाबदार आई-वडिलांसारखी व्यक्तीच टोकाचं पाऊल उचलू लागल्याने तो सामाजिक प्रश्न देखील होऊ लागला आहे.

तसाच काहीसा धक्कादायक प्रकार महाराष्ट्रातील बुलडाण्यात घडला आहे. सावत्र आईने ९ वर्षांच्या चिमुकल्याला गरम तव्यावर उभं करून पायाला चटके दिले आहे. आर्यन सचिन शिंगोटे असं या 9 वर्षांच्या चिमुकल्याचं नाव आहे. या मुलाच्या आईने आत्महत्या केल्याने मुलांचा सांभाळ करण्यासाठी वडिलांनी दुसरं लग्न केलं. मात्र सावत्र आईकडूनच आता मुलांचा छळ सुरु झाला आहे.

चार दिवसांपूर्वी आर्यनच्या सावत्र आईने आर्यनचे हातपाय पकडून त्याला गरम तव्यावर उभं करून चटके दिले. पायाला चटके लागल्यावर त्याने आरडाओरड करू नये म्हणून तिने त्यांचं तोंड देखील दाबून ठेवलं होतं. आर्यन घराबाहेर येत नसल्याने शेजाऱ्यांनी घरात जाऊन पाहिल्यावर हा धक्कादायक प्रकार त्यांच्या लक्षात आला. सध्या मुलाची प्रकृती चिंताजनक असल्याने त्याला अकोल्यातील रूग्णालयात दाखल करण्यात आलंय.

News English Summary: Currently, crime at the domestic level is on the rise, with children being the victims. It has also become a social issue as a person like the responsible parents in the household has started taking extreme measures for fee reasons. The stepmother has made 9-year-old son stand on a hot tawa and kicked her feet. The name of this 9 year old son is Aryan Sachin Shingote. The boy’s mother committed suicide and the father remarried to take care of the children. But now the child abuse has started from the stepmother.

News English Title: Crime against children in family at Buldhana news updates.