सत्य समोर येतंय | पूजाचा लॅपटॉप भाजप नगरसेवकाने चोरल्याचा संशय | अन इथेच शिजलं?....
पुणे, ०४ मार्च: राजकीय वाद रंगलेला असताना पूजाच्या वडिलांनी देखील अजून खुलासे केले आहेत. पूजाच्या पोलिसांचा तपास सुरु असताना विनाकारण आरोप कशासाठी करत आहात? माझी मुलगी गेली आहे त्यात हे ऐकून वाईट वाटतं. बदनामी थांबवा असं आवाहन केल्यानंतरही बदनामी सुरु आहे हे थांबलं पाहिजे.
विशेष म्हणजे जे फोटो किंवा पूजाचे निवडणुकीच्या प्रचारातील एडिटेड व्हिडिओ भाजपच्या नेत्यांकडे कसे येत आहेत असा संशय निर्माण झाला होता. त्यात शवविच्छेदन रिपोर्ट समोर आलेला नसताना भाजप नेत्यांनी पत्रकार परिषदा घेत बेभान होत आरोप केल्याचं पाहायला मिळालं. चौकशी पूर्ण झालेली नसताना देखील भाजप नेत्यांना का घाई होती यामागील सत्य येण्यास सुरुवात झाली आहे. पूजाचे खाजगी फोटो किंवा व्हिडिओ एकतर तीच स्वतः देऊ शकते तिचे गॅझेट्स (लॅपटॉप – मोबाईल) ज्यांच्याकडे होते त्यांना ते शक्य होतं. पण ते भाजपच्या ठराविक नेत्यांकडे कसं गेलं याचं भांडं फुटण्याची शक्यता आहे.
विशेष म्हणजे महत्त्वाच्या साक्षीदारांपैकी एक जण भाजप नगरसेवक आहे. पण तेदेखील या प्रकरणावर भाष्य करण्यासाठी, माहिती देण्यासाठी पुढे आलेले नव्हेते. पूजा चव्हाणनं आत्महत्या केली की भोवळ येऊन पडल्यानं तिचा मृत्यू झाला, हा प्रश्न अद्याप अनुत्तरित होता. मात्र माध्यमांकडे स्थानिक पोलिसांच्या सूत्रांकडून आलेल्या शवविच्छेदन रिपोर्टनुसार तिला खाली पडल्यानंतर जबर मार लागला आणि तेच तिच्या मृत्यूचं कारण ठरल्याचं म्हटलं जातंय.
पूजा इमारतीमधून पडल्यावर तिथे चार जण उपस्थित होते. अरुण राठोड, अनिल चव्हाण, भाजप नगरसेवक धनराज घोगरे आणि त्यांची पत्नी असे चौघेजण पूजाला घेऊन रुबी हॉल क्लिनिकमध्ये पोहोचले. त्यामुळे हे चौघे या प्रकरणातील मुख्य साक्षीदार आहेत. पोलिसांनी अद्याप त्यांच्या सखोल चौकशीबाबत खुलासा करण्यात आलेला नाही.
दरम्यान, पूजा चव्हाण आत्महत्या प्रकरणात धक्कादायक माहिती प्रसार माध्यमांच्या हाती आली आहे. भाजप नगरसेवकाने पूजाचा लॅपटॉप चोरल्याचा आरोप केला जात आहे. वानवडीचे नगरसेवक धनराज घोगरे यांनी लॅपटॉप चोरल्याचा दावा आहे. पूजाच्या मृत्यू प्रकरणात संशयाच्या भोवऱ्यात सापडलेले शिवसेना नेते संजय राठोड यांचे काही व्हिडीओ नुकतेच समोर आले होते. हे व्हिडीओ पूजाच्या लॅपटॉपमधले असल्याचं बोललं जातं.
धनराज घोगरे हे पुणे महापालिकेतील नगरसेवक आहेत. वानवडी वॉर्डमधून ते भाजपच्या तिकीटावर नगरसेवक झाले. तसेच पुणे महापालिकेतील शहर विकास समितीचे उपाध्यक्ष आहेत. विशेष म्हणजे पूजा चव्हाण मृत्यू प्रकरणात बंजारा समाजाच्या बदनामी प्रकरणी दाखल गुन्ह्यात त्यांचं नाव आहे.
पूजा चव्हाण, संजय राठोड यांच्या निवडणुकीचं कॅम्पेन करत होती, अशी माहिती मिळालीय. आणि त्याच प्रकारचे व्हिडीओही पूजाच्या लॅपटॉपमधूनच समोर आलेत. संजय राठोड मतदारसंघात फिरत असल्याचे, नागरिकांशी संवाद साधत असल्याचे फोटो आणि व्हिज्युवल्स घेऊन राठोडांचे व्हिडीओ तयार करण्यात आलेत.
युतीच्या काळातही राठोड मंत्री होते. त्यावेळचे व्हिडीओही हाती लागलेले आहेत. समाज माध्यमांवर एखाद्या नेत्यांचा प्रसार करण्यासाठी, जशी गाणी आणि डायलॉग लावून व्हिडीओ तयार केले जातात, अगदी त्याच प्रकारे हे व्हिडीओ तयार करण्यात आलेत. या व्हिडीओवरुन सहज लक्षात येण्यासारखं आहे की, सोशल मीडियावर राठोडांच्या प्रचाराची जबाबदारी, एक तर पूजाकडे होती किंवा पूजा कोणाकडून तरी हे व्हिडीओ बनवून घेत असावी, कारण हे व्हिडीओ तिच्याच लॅपटॉपमधले असल्याचं सांगण्यात आलं.
News English Summary: Pooja’s father has also made further revelations while the political controversy is raging. Why are you making baseless allegations while the Pooja police investigation is underway? I’m sorry to hear that my daughter is gone. Even after appealing to stop defamation, the defamation must stop
News English Title: Pune BJP corporator Dhanraj Ghogare allegedly steal Pooja Chavan laptop news updates.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Best FD Interest Rates | बँक FD वर अधिक व्याजाच्या शोधात आहात? या बँकेत 8.10 टक्केपर्यंत व्याज दर मिळेल
- TRIL Share Price | मल्टिबॅगर शेअर खरेदी करा, एका महिन्यात 57% परतावा दिला, तर 1 वर्षात दिला 770% परतावा
- Govt Employees Salary | खुशखबर! सरकारी कर्मचाऱ्यांचा बेसिक पगार आणि ईपीएफ मर्यादा वाढणार, महत्वाची अपडेट आली
- HMA Agro Share Price | स्वस्त शेअरची कमाल! एका महिन्यात दिला 22 टक्के परतावा, पुढे अजून मालामाल करणार
- Bondada Share Price | स्वस्त IPO शेअरने कुबेर पावला! अल्पावधीत दिला 1350% परतावा, गुंतवणुकदार मालामाल
- Zomato Share Price | मागील 1 वर्षात 271% परतावा देणारा झोमॅटो शेअर तेजीत वाढणार, तज्ज्ञांचा खरेदीचा सल्ला
- Paytm Share Price | पेटीएम शेअर्सची घसरण वाढली, स्टॉक घसरणीचे कारण काय? पुढे काय होणार?
- Voltas Share Price | टाटा तिथे नो घाटा! व्होल्टास शेअर पुढे मजबूत कमाई करून देईल, टार्गेट प्राईस जाणून घ्या
- Multibagger Stocks | पैशाचा पाऊस पाडणारा शेअर! 4 महिन्यात 270% तर एका वर्षात 920% परतावा दिला, फायदा घेणार?
- SBI FD Interest Rates | सरकारी SBI बँकेची मजबूत परतावा देणारी FD योजना, बचतीवर मोठा व्याज दर मिळेल