सँडविच खाण्यावरून ATS अधिकाऱ्याशी वाद | ATS Vs क्राईम ब्रांच वादात विरोधक आणि NIA'ला इनपुट दिलं?
मुंबई, १६ मार्च: सध्या समोर येतं असलेली माहिती अत्यंत धक्कादायक आहे असंच म्हणावं लागेल. अटक होण्याच्या अनेक दिवस आधी सचिन वाझे यांनी मला माझे सहकारीच अडकवू इच्छित आहेत असं व्हाट्सअँप स्टेटस ठेवलं होतं. विशेष म्हणजे अधिवेशन काळात विरोधकांना म्हणजे देवेंद्र फडणवीस यांना पोलीस खात्यातील दोन भिन्न विभागात पेटलेल्या अघोषित वादात काही माहिती गुप्त पद्धतीने पुरावली गेल्याची शंका उपस्थित होऊ लागली आहे. शिवसेनेचे खासदार संजय राऊत यांनी देखील पोलीस खात्यातील काही लोकं फडणवीसांना माहिती देत असल्याचा आरोप करताना राज्य सरकारला काळजी घेण्यास सांगितलं होतं. मात्र हा वाद ATS अधिकारी आणि क्राईम ब्रांच अधिकाऱ्यांमधील अहंकारातून पेटल्याची प्राथमिक माहिती समोर आली आहे.
अंबानींच्या घराबाहेर स्फोटकांनी भरलेली कार सापडल्याचे समजताच दहशतवाद विरोधी पथकाचे (ATS) अधिकारी घटनास्थळी पोहोचले. यावेळी वाझे तिथे आधीपासूनच हजर होते. ATS च्या अधिकाऱ्याने वाझे यांना ती कार कुठे आहे असे विचारले. तेव्हा वाझे आरामात सँडविच खात होते. त्यांनी एका पोलिसाला बोलावून साहेबांना ती कार दाखव असे आदेश दिले. या त्यांच्या वागण्यावरून ATS अधिकारी आणि वाझेंमध्ये खटका उडाला. सचिन वाझेंच्या या वागण्याची तक्रार वरिष्ठ पोलीस अधिकाऱ्यांनाही देण्यात आल्याचे समजते. खरेतर एटीएसच्या अधिकाऱ्यांना वाझेंनीच स्वत: जाऊन घटनास्थळाची माहिती देणे गरजेचे होते. मात्र, प्रोटोकॉल न पाळता त्यांनी पोलिसाला आदेश देत स्कॉर्पिओ दाखविण्यास सांगितल्याने वाद झाला होता. इथेच सचिन वाझेंनी अडकविण्याचा अघोषीत प्लान रचला गेल्याची शक्यता वर्तविण्यात येतं आहे. त्यात NIA’ला विशेष काही न करताच या अंतर्गत वादात सर्व माहिती पुरवली गेल्याची शंका व्यक्त करण्यात येतं आहे. कारण NIA टीमने राज्य ATS कार्यालयात हजर राहून सर्व माहिती घेतली होती.
विधानसभेमध्ये अधिवेशनावेळी राज्याचे विरोधी पक्षनेते देवेंद्र फडणवीस यांनी सचिन वाझे हे सर्वात आधी घटनास्थळी गेले होते, असा आरोप केला होता. त्यावर वाझेंनी आपण नंतर गेल्याचे सांगितले होते. आता वाझे एनआयएच्या ताब्यात गेल्यानंतर हळूहळू तेव्हा घडलेल्या गोष्टी समोर येऊ लागल्या आहेत. या साऱ्या गुन्ह्याचे सूत्रधार सचिन वाझेच असल्याचे समोर आले आहे. एनआयएने स्फोटकांनी भरलेली स्कॉर्पिओ तिथे सोडून ज्या इनोव्हाने चालक पळून गेला ती इनोव्हादेखील ताब्य़ात घेतली आहे. ही इनोव्हा मुंबई पोलिसांचीच असल्याचे स्पष्ट झाल्याने मोठी खळबळ उडाली होती. आता वाझेंचे काही सहकारी देखील अडकले असून कोठडीमध्ये आणखी काही धक्कादायक गोष्टी समोर येण्याची शक्यता आहे. त्यामुळे या वादात संपूर्ण क्राईम ब्रांच टीमला लक्ष करण्यात आल्याची चर्चा सुरु झाली आहे. त्यानंतर त्यांनी हा सुगावा लागताच हा सर्व खटाटोप केल्याचा देखील अंदाज व्यक्त केला जात आहे.
News English Summary: Anti-Terrorism Squad (ATS) officials rushed to the spot after learning that a car packed with explosives was found outside Ambani’s house. This time Waze was already there. An ATS officer asked Waze where the car was. Waze was eating sandwiches comfortably then. He called a police officer and ordered him to show the car. This led to a rift between ATS officers and Wazen.
News English Title: Internal war between ATS and Mumbai Crime Branch targets Sachin Vaze news updates.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Gold Rate Today | बापरे! लग्नासराईच्या दिवसातही सोनं खरेदी करणं परवडणार नाही, लवकरच 1 लाख रुपये तोळा होणार
- Numerology Horoscope | 17 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- Reliance Power Share Price | अवघ्या 4 वर्षात 2325 टक्के परतावा दिला, शेअर प्राईस 26 रुपये, पुढे तेजी येणार का?
- Reliance Infra Share Price | 2 दिवसात रिलायन्स इन्फ्रा शेअर 36 टक्के घसरला, पण स्टॉकला 'या' प्राईसवर सपोर्ट
- Varun Beverages Share Price | मार्ग श्रीमंतीचा! या शेअरने अल्पावधीत दिला 50% परतावा, स्टॉक पुढे किती फायद्याचा?
- Ambuja Cement Share Price | अदानी ग्रुपचा सिमेंट शेअर! कंपनीने नवीन अपडेट दिली, शेअर 35 टक्के वाढणार
- Numerology Horoscope | 16 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा मंगळवारचा दिवस कसा असेल
- Adani Port Share Price | अदानी पोर्ट शेअरमध्ये मोठी घसरण होणार? गुंतवणूकदारांनी नेमकं काय करावं? अपडेट आली
- Adani Power Share Price | अदानी ग्रुपचे शेअर्स पुन्हा दबावाखाली? शेअरमध्ये जबरदस्त अस्थिरता वाढणार?
- Numerology Horoscope | 15 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा सोमवारचा दिवस कसा असेल