पेट्रोल व डिझेल अजून महागले, महागाईत भर पडण्याची शक्यता

मुंबई : पेट्रोल आणि डिझेलच्या दरात सातत्याने होणारी वाढ अजूनच अफाट होत असल्याने सर्व सामान्यांना मोठा फटका बसण्याची शक्यता. त्यामुळे महागाईत अजून वाढ होण्याची शक्यता वर्तविण्यात येत आहे. मुंबईमध्ये पेट्रोल प्रति लिटर ३१ पैशांनी तर डिझेल प्रति लिटर ४४ पैशांनी महागले आहे.

आंतरराष्ट्रीय बाजारात होणारी रुपयाची घसरण आणि कच्चा तेलाच्या दरात होणारी वाढ हीच या मागील मूळ कारण आहेत. परंतु त्यामुळे महागाईत अजून वाढ होण्याची शकता आहे. इंधन वाढीचा आढावा आधी प्रति महिना घेतला जायचा तो आता प्रति दिन घेतला जातो आणि त्यानुसार नवे दर लागू केले जातात आणि त्यामुळे सामान्य लोकांना त्याचा मोठा फटका बसत आहे.

आज सोमवारी इंधनाच्या दराने मुंबईमध्ये विक्रमी उच्चांक गाठला आहे. त्यामुळे मुंबईमध्ये प्रति लिटर पेट्रोलला ८६. ५६ रुपये तर डिझेलला ७५. ५४ रुपये ग्राहकांना द्यावे लागत आहेत. केवळ एका आठवड्यात झालेली ही चौथी इंधन दरवाढ आहे. त्यामुळे देशाच्या प्रमुख शहरांमध्ये म्हणजे मुंबई, दिल्ली, कोलकाता आणि चेन्नई या पेट्रोल व डिझेलच्या दरामुले ग्राहकांना सर्वाधिक फटका बसत आहे.