29 March 2024 7:05 PM
अँप डाउनलोड
बातम्या फ्लॅश
Numerology Horoscope | 30 मार्च 2024 | तुमची जन्म तारीख किती? अंकज्योतिष शास्त्र सांगेल तुमचा शनिवारचा दिवस कसा असेल Horoscope Today | तुमचे शनिवारचे राशिभविष्य | 30 मार्च 2024 | तुमच्या राशीनुसार तुमचा शनिवारचा दिवस कसा असेल जाणून घ्या Adani Power Share Price | अदानी पॉवर आणि रिलायन्स इंडस्ट्रीजमध्ये मोठा करार, शेअरमध्ये मजबूत वाढीचे संकेत Skipper Share Price | अल्पावधीत 510 टक्के परतावा देणारा शेअर खरेदीला ऑनलाईन धावपळ, नेमकं कारण काय REC Share Price | 1 वर्षात REC शेअरने 292% परतावा दिला, आता एका सकारात्मक बातमीने शेअर्स खरेदीला गर्दी Reliance Share Price | खुशखबर! भरवशाचा रिलायन्स इंडस्ट्रीज शेअर देईल 55 टक्केपर्यंत परतावा, तज्ज्ञांकडून फायद्याचे संकेत Reliance Power Share Price | शेअरची किंमत 28 रुपये, अवघ्या 15 दिवसांत 40% परतावा देणारा स्टॉक लवकरच मल्टिबॅगर?
x

वाढत्या महागाई विरोधात भांडूपमध्ये मनसे कार्यकर्त्यांचा रेलरोको

मुंबई : काँग्रेस तसेच डाव्या पक्षांनी देशातील वाढत्या पेट्रोल आणि डिझेलच्या तसेच एकूणच वाढलेल्या महागाईविरोधात आज भारत बंद पुकारला आहे. आज सकाळ पासूनच प्रतिक्रिया उमटू लागल्या असून अनेक ठिकाणी रेल्वे वाहतूक तसेच बसेस अडविण्यात आल्या आहेत. त्यामुळे आज दिवसभर याचे पडसाद उमटण्याची शक्यता आहे. जवळपास देशभरातील एकूण ३१ पक्षांनी या भारत बंदला पाठिंबा दिला असला तरी महाराष्ट्रात मनसेने सक्रिय पाठिंबा दिल्याने राज्यात मोठा प्रतिसाद मिळण्याची शक्यता राजकीय विश्लेषक व्यक्त करत आहेत.

मुंबईमध्ये जनजीवन सुरळीत असलं तरी आता बंदचे पडसाद उमटण्यास सुरुवात झाली आहे. शाळा कॉलेजेस सुद्धा सकाळपासून सुरळीत सुरु आहेत. ठाण्यात मध्यरात्री काही अज्ञात व्यक्तींकडून जाळपोळ करण्यात आली असून वाहनांच्या टायर्सची हवा काढण्याचा प्रयत्न करण्यात आला. विरारमध्ये खासगी शाळांना सुट्टी जाहीर करण्यात आली आहे. तर भारत बंदला पुण्यात हिंसक वळण लागले असून पीएमपीच्या बसची तोडफोड करण्यात आली आहे. पुण्यातील कुमठेकर रस्त्यावर मनसे कार्यकर्त्यांनी पीएमटी बस फोडली. काँग्रेस कार्यकर्ते अंधेरी रेल्वे स्थानकावरील प्लॅटफॉर्म क्रमांक ३ वर उतरुन घोषणाबाजी केली. तर चेंबूरमध्ये भारत बंदला हिंसक वळण लागलेलं पाहायला मिळत असून येथे ४० ते ४५ गाड्यांची तोडफोड केल्याची माहिती आहे.

मनसे कार्यकर्त्यांनी थेट भांडुप रेल्वे स्थानक गाठत रेलरोको केल्याने पोलिसांची मोठी धावपळ झाल्याचे चित्र होते. आंदोलकांनी भांडुप रेल्वेस्थानक घोषणांनी दणाणून सोडलं होत. त्यामुळे काहीकाळ रेल्वे सेवेवर परिणाम झाल्याचे पाहायला मिळाले.

हॅशटॅग्स

#Raj Thackeary(716)

संबंधित बातम्या

राहुन गेलेल्या बातम्या

x