महाआघाडीचं सरकार येणार हे निश्चित आहे | निकाल आमच्या बाजूनेच | RJD'चं ट्विट

पाटणा, १० नोव्हेंबर: बिहार विधानसभा निवडणूक निकाल प्रक्रियेत आज दुपारी ३ वाजेपर्यंत जे कल हाती आले आहेत त्यानुसार १२८ जागांवर NDA ने आघाडी घेतल्याचं चित्र आहे. भारतीय जनता पक्षाला ७३ जागांवर आघाडी मिळाली आहेत. तर जनता दल युनायटेडला ४९ जागांवर आणि HAM ला १ जागेवर आघाडी मिळाली आहे.

तर दुसरीकडे महाआघाडीने एकूण १०५ जागांवर आघाडी घेतली आहे. यापैकी ६७ जागांवर राष्ट्रीय जनता दल, २० जागांवर काँग्रेस आणि डाव्यांनी १८ जागांवर आघाडी घेतली आहे. बहुजन समाज पार्टीला दोन जागांवर, MIM’ला दोन जागांवर तर एलजेपी आणि इतर यांना चार जागांवर आघाडी मिळाली आहे. दुपारी ३ वाजेपर्यंत जे कल हाती आले आहेत त्यानुसार आत्ता तरी एनडीएला आघाडी मिळते आहे असंच दिसतं आहे. निवडणूक आयोगाने ही माहिती दिली आहे. दरम्यान, बिहारमधील विधानसभा निवडणुकीचा अंतिम निकाल हाती येण्यासाठी आजची रात्र उजाडणार आहे. निवडणूक आयोगाने रात्री उशिरापर्यंत मतमोजणी सुरु असेल अशी माहिती दिली आहे.

दरम्यान, बिहार विधानसभा निवडणुकीत महाआघाडीची घसरण झाली आहे. सुरूवातीला १२४ जागांवर पुढे असलेली महाआघाडी सध्या १०४ जागी पुढे आहे. दरम्यान, निकालावर राष्ट्रीय जनता दलानं भाष्य केलं आहे. “आम्ही सर्व मतदारसंघातील उमेदवार आणि कार्यकर्त्यांच्या संपर्कात आहोत आणि सर्व जिल्ह्यांमधून मिळालेल्या माहितीप्रमाणे निकाल आमच्या बाजूनेच आहे. रात्री उशिरा मतमोजणी संपेल. महाआघाडीचं सरकार येणार हे निश्चित आहे. बिहारने सत्तांतर केलं आहे. सर्व उमेदवार आणि कार्यकर्त्यांनी मतमोजणी पूर्ण होईपर्यंत मतमोजणी केंद्रावरच राहावं,” असं राजदने म्हटलं आहे.

हम सभी क्षेत्रों के उम्मीदवारों और कार्यकर्ताओं से संपर्क में है और सभी जिलों से प्राप्त सूचना हमारे पक्ष में है। देर रात तक गणना होगी। महागठबंधन की सरकार सुनिश्चित है। बिहार ने बदलाव कर दिया है। सभी प्रत्याशी और काउंटिंग एजेंट मतगणना पूरी होने तक काउंटिंग हॉल में बने रहें।

— Rashtriya Janata Dal (@RJDforIndia) November 10, 2020

News English Summary: The BJP has lost in the Bihar Assembly election 2020. Initially leading in 124 seats, the BJP is now leading in 104 seats. Meanwhile, the Rashtriya Janata Dal has commented on the result. We are in touch with candidates and activists from all the constituencies and the results are in our favor as per the information received from all the districts. Counting ends late at night. It is certain that a grand alliance government will come. Bihar has become independent. RJD has said that all candidates and activists should stay at the counting center till the counting is completed.

News English Title: Bihar Assembly Election 2020 voting result are in favor of MahagathBandhan news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.