न्यायालयाने समज देऊनही पुन्हा ट्विट | म्हणाली या सरकारपेक्षा बॉलीवूड माफिया, हृतिक रोशन बरे

मुंबई, २८ नोव्हेंबर: बॉलिवूडची अभिनेत्री कंगना रनौतच्या कार्यालयावर  (Bollywood Actress Kangana Ranaut Mumbai Office) मुंबई महापालिकने अनधिकृत असल्याचा ठपका ठेऊन कारवाई केली होती. मात्र, मुंबई हायकोर्टाने मुंबई पालिकेची कारवाई अवैध असल्याचा म्हणत पालिकेचा जोरदार दणका दिला होता. कार्यालयावरील तोडकाम प्रकरणाची कंगनाने मुंबई हायकोर्टात (Mumbai High Court) याचिका दाखल केली होती. काल कोर्टाने या याचिकेवर आपला निकाल दिला होता. कंगना रणौतच्या बंगल्यावर केलेली महापालिकेची कारवाई मुंबई हायकोर्टाने अवैध ठरवली आहे.

त्याचवेळी दुसरीकडे कंगनालाही व्यक्ती आणि ठाकरे सरकारविरोधात टीका करण्यास बजावले आहे. कंगना रनौतच्या कार्यालयावर मुंबई पालिकेनं तोडकाम केले होते. या प्रकरणी मुंबई हायकोर्टात सुनावणी पार पडली होती. यावेळी न्यायाधीश शाहरुख काथावाला व न्यायाधील रियाझ छागला यांनी कंगनाची सुद्धा कानउघडणी केली होती.

‘मुंबईची तुलना पाकव्याप्त काश्मीरशी करणे, व्यक्तींविरोधात आक्षेपार्ह विधाने करणे, सरकारच्या विरोधात विधाने करणे या कंगनाच्या कृतीला हायकोर्ट मान्यता देत नाही. त्याच्याशी हायकोर्ट सहमत नाही. कंगनाने भविष्यात असे ट्विट करण्यापासून स्वतःला रोखावे’ अशी शब्दांत हायकोर्टाने कंगनाला समज दिला होती. मात्र कंगनाने न्यायालयाने दिलेल्या समजकडे पूर्ण दुर्लक्ष केल्याचं पाहायला मिळत आहे.

कंगनाने ट्वीट करत म्हटलं की, गेल्या काही महिन्यात मी महाराष्ट्र सरकारकडून एवढे कायदेशीर खटले, शिव्या, अपमान सहन केला आहे की आता मला बॉलिवूड माफिया, आदित्य पांचोली आणि हृतिक रोशनसारखे लोक चांगले वाटू लागले आहेत. मला माहीत नाही की माझ्यात असं काय आहे की ज्याचा लोकांना इतका राग येतो.

News English Summary: Kangana tweeted that in the last few months, I have endured so many legal cases, insults, insults from the Maharashtra government that now I feel good about people like Bollywood Mafia, Aditya Pancholi and Hrithik Roshan. I don’t know what is in me that makes people so angry.

News English Title: Actress Kangana Ranaut compare State government with Aaditya Pancholi and Hrithik Roshan news updates.