पूजाचा लॅपटॉप आणून द्या | भाजप नगरसेवक धनराज घोगरे यांना नोटीस

मुंबई, ०६ मार्च: पूजा चव्हाण आत्महत्या प्रकरणाचे गूढ अजून उकलले नाही. पुणे पोलिसांनी आता भारतीय जनता पक्षाचे नगरसेवक धनराज घोगरे यांना नोटीस बजावली असून पूजाचा लॅपटॉप आणून देण्याची मागणी केली आहे. पुणे पोलिसांच्या या नोटीसीमुळे एकच खळबळ उडाली आहे.

पुण्यातील पूजा चव्हाण आत्महत्या प्रकरणी शिवसेनेचे नेते संजय राठोड यांना आपल्या वनमंत्री मंत्रिपदाचा राजीनामा द्यावा लागला आहे. पूजा चव्हाण आणि संजय राठोड यांच्यातील संभाषणाच्या १२ ऑडिओ क्लीप व्हायरल झाल्या आहे. पूजाचा लॅपटॉप हा भारतीय जनता पक्षाचे नगरसेवक धनराज घोगरे यांच्याकडे असल्याचा संशय पुणे पोलिसांना आहे. त्यामुळे पुणे पोलिसांनी धनराज घोगरे यांनी नोटीस बजावली असून पूजाचा लॅपटॉप आणून देण्याची मागणी या नोटीसीतून केली आहे.

ज्या दिवशी ही घटना घडली त्यावेळीच भारतीय जनता पक्षाच्या एका स्थानिक कार्यकर्त्याने अरूण राठोडकडून या ऑडिओ क्लीप काढून घेतल्याचं समोर येत आहे. तसेच त्याचवेळी त्यांच्या फोटो आयडीचे फोटो काढून घेतल्याचं सांगितलं जात आहे. अखेर पुणे पोलिसांनी पहिल्यांदाच नोटीसीमध्ये भारतीय जनता पक्षाच्या नगरसेवकाचा उल्लेख केला आहे. त्यामुळे या प्रकरणावरून आणखी वाद पेटण्याची चिन्ह आहे.

News English Summary: The mystery of Pooja Chavan suicide case has not been solved yet. Pune police have now issued a notice to Bharatiya Janata Party corporator Dhanraj Ghogre and demanded that Pooja’s laptop be brought. The Pune police’s notice has caused a stir.

News English Title: BJP corporator Dhanraj Ghogre got notice from Pooja Chavan suicide case news updates.