Bigg Boss Marathi | बिग बॉस मराठीचा पाचवा सीजन चांगलाच चर्चेत असल्याचा दिसतोय. बिग बॉसमधील प्रत्येक सदस्याने आपल्या खेळातून, माणुसकीतून आणि एकमेकांसाठी आपुलकी दाखवून समस्त महाराष्ट्रातील जनतेचं मन जिंकलं आहे. नुकताच भाऊचा धक्का पार पडला. यावेळेसच्या भाऊच्या धक्क्यावर रितेश भाऊंनी सर्व सदस्यांबरोबर धमालमस्ती करत गणेश चतुर्थीचा दिवस साजरा केला. यामध्ये काही मराठी कलाकारांमार्फत खेळ देखील खेळण्यात आले. (Suraj Chavan)
अशातच डॉक्टर आणि गीतकार उत्कर्ष शिंदे यांनी देखील बिग बॉसच्या घरामध्ये हजेरी लावली होती. खेळ आणि मनोरंजना दरम्यान उत्कर्ष यांनी आपल्या साध्या भोळ्या सुरज चव्हाणला एका गाण्याची ऑफर केली. सोबतच तुझं हे गाणं खास माझे वडील म्हणजेच ‘आनंद शिंदे’ गाणार असल्याच देखील त्याला सांगितलं. हे ऐकून सुरजला फार बरं वाटलं. घरातील सर्व सदस्यांनी टाळ्या वाजवत सुरजच कौतुक करत अभिनंदन केलं.
सुरजची परिस्थिती सर्वसामान्यांसारखी असून सुद्धा त्याने जिद्दी आणि चिकाटीमुळे बिग बॉसचं घर गाठलं. सुरजने आणखीन पुढे जाऊन आणि चांगला गेम खेळून बिग बॉसची ट्रॉफी घेऊनच घराबाहेर पडावं अशी त्याच्या फॅन्सची इच्छा आहे.
दरम्यान नुकतीच घरामध्ये वाइल्ड कार्ड एन्ट्री झाली असून संग्राम चौगुले याने घरामध्ये प्रवेश केला आहे. पंढरीनाथ, अरबाज आणि घरातील पुरुष सदस्यांबरोबर संग्रामचं चांगलं जमेल अशी प्रतिमा पाहायला मिळत आहे.
वाइल्ड कार्ड एंट्रीला घेऊन सोशल मीडियावर अनेक चर्चा होत होत्या. वाइल्ड कार्ड एन्ट्री होऊन सुद्धा या चर्चा काही थांबल्या नाहीत. मागील सीजनसारखा घरामध्ये धिंगाणा घालायला राखी सावंत यायला हवी अशा पद्धतीचे अनेक पोस्ट सोशल मीडियावर व्हायरल होत आहेत.
View this post on Instagram
संग्राम बद्दल सांगायचं झालं तर, संग्राम हा अतिशय गाजलेला बॉडी बिल्डर आहे. त्याची बॉडी पाहून भल्याभल्यांना घाम फुटेल. संग्रामची पिळदार शरीरयष्टी असून त्याने आत्तापर्यंत बॉडी बिल्डिंगमध्ये अनेक पुरस्कार पटकावले आहेत. दरम्यान तो मूळचा कोल्हापूरचा असून डीपी दादांबरोबर त्याची चांगली गट्टी जमेल अशी आशा प्रेक्षकांनी केली आहे.
Latest Marathi News | Bigg Boss Marathi Utkarsh Shinde offered Suraj Chavan 10 September 2024 Marathi News.
