VIDEO : ‘ये रे ये रे पैसा 2’चा धमाकेदार ट्रेलर लाँच!

मुंबई : लंडनमध्ये चित्रीकरण, महागड्या गाड्या आणि हेलिकॉप्टर्सचा तामझाम, धडाकेबाज अ‍ॅक्शन सिक्वेन्स, तगडी स्टारकास्ट आणि खटकेबाज संवाद… हे सगळं वर्णन हिंदी चित्रपटाचं नाही, तर आगामी मराठी चित्रपट ‘ये रे ये रे पैसा २’मधील आहे.

या चित्रपटाचा दमदार ट्रेलर सोशल मीडियाद्वारे लाँच करण्यात आला आहे. कर्ज बुडवून पळून गेलेला उद्योजक आणि त्याचा शोध घेणाऱ्या अण्णा आणि त्याचे अतरंगी साथीदार यांची गोष्ट “ये रे ये रे पैसा २” मध्ये पहायला मिळणार असल्याचं या ट्रेलरमधून दिसतं. मात्र चित्रपटाच्या रंगतदार कथानकासह लक्ष वेधून घेतात ते खटकेबाज संवाद. अनेक टाळीबाज आणि हसून हसून लोटपोट करायला लावणारे संवाद आणि प्रसंग ट्रेलरमध्ये दिसतात . तर आजपर्यंत मराठी चित्रपटात न दिसलेली भव्यता आणि चकचकीतपणाही या चित्रपटात असल्याचे सांगण्यात येत आहे. त्यामुळे या चित्रपटाविषयीचं कुतूहल आता आणखीच वाढलं आहे. हृषिकेश कोळीने पटकथा संवाद लेखन केलं आहे.

या चित्रपटात अभिनेता संजय नार्वेकर, प्रियदर्शन जाधव, अनिकेत विश्वासराव, प्रसाद ओक, पुष्कर श्रोत्री, आनंद इंगळे, मृणाल कुलकर्णी, मृण्मयी गोडबोले, विशाखा सुभेदार, स्मिता गोंदकर अशी दमदार स्टारकास्ट आहे. गायक अवधूत गुप्ते, मुग्धा कऱ्हाडे, शाल्मली खोलगडे आणि मिक्का सिंग यांनी या चित्रपटातील गाणी गायली आहेत. येत्या ९ ऑगस्ट रोजी हा चित्रपट प्रेक्षकांच्या भेटीला येणार आहे.

 

View this post on Instagram

 

हळूहळू कळू लागलेत सगळ्यांचे रंग हसून हसून चढेल सगळ्यांना झिंग आला रे आला पैसा वसूल चित्रपटाचा फुल टू धमाल ट्रेलर! #YY2Trailer is Out Do watch, enjoy and share #YYP2 #YeReYeRePaisa2 #AnnaIsBack #DoubleVasooli #9Aug Directed By: @hemantdhome21 Produced By: @iomprakashbhatt #KumarMangatPathak @khopkarswati #SujayShankarwar #RajeshBanga @ameyakhopkar @avkentertainment @drajeenkyadypatil #SanjayNarvekar @shrotripushkar @ingale_anand @mrinalmrinal2 @subhedarvishakha @priyadarshanjadhavv @aniketvishwasrao @oakprasad @smita.gondkar @mrinmayeegodbole @avkentertainment19 @purplebullentertainment #TransFXStudios @panorama_studios @ninadbattin #tabrezpatel @everestentertainment @aakashpendharkar @darshanmediaplanet @vizualjunkies

A post shared by Ye Re Ye Re Paisa 2 (@yereyerepaisa2) on Jul 28, 2019 at 10:32pm PDT