Health First | पॉपकॉर्न खाणे आहे आरोग्यासाठी फायदेशीर । नक्की वाचा

मुंबई १० एप्रिल : सिनेमा पाहताना पॉर्पकॉर्न खाण्याची सवय अनेकांना असते. आजकाल पॉपकॉर्न अनेक फ्लेवर्समध्ये उपलब्ध असतात. अवेळी लागणार्‍या भूकेवर मात करण्यासाठी पॉर्पकॉर्न हा उत्तम पर्याय आहे. वजन घटवणार्‍यांच्या आहारात हमखास पॉपकॉर्नचा समावेश केला जातो. पण पॉपकॉर्न खाण्याचे इतरही काही फायदे आहेत.

लहान असोत की मोठे… पॉपकॉर्न सगळ्यांनाच आवडतात. आपण चित्रपट बघत असताना किंवा बागेत फिरताना हातात बहुतेकदा पॉपकॉर्नचे पाकीट असते. लॉकडाऊनच्या काळातही अनेकांच्या जवळ पॉपकॉर्नचे भांडे होते. असेही पॉपकॉर्न खाणे चांगले असते. यात अनेक पोषक घटक असतात जे हृदय आणि पोटासाठी चांगले असतात. साध्या पॉपकॉर्नमध्ये फायबर, पॉलिफेनिक घटक, अ‍ॅन्टीऑक्सिडंट घटक, व्हिटॅमिन बी कॉम्प्लेक्स, मॅग्नीज घटक मुबलक प्रमाणात आढळतात. त्यामुळे पॉर्पकॉर्नची चव नक्की चाखा.

जाणून घ्या पॉपकॉर्न खाण्याचे खास फायदे

1. पॉपकॉर्न आपल्या शरीरातील कॉलेस्टॉल कमी करतात: पॉपकॉर्नमध्ये तंतूमय पदार्थ मुबलक प्रमाणात असतात, जे आपल्या शरीरातील कॉलेस्टॉल कमी करतात. यामुळे आपल्याला हार्ट अॅटॅकसारखा गंभीर आजार होण्याची शक्यता कमी होते.

2. पचनसंस्था चांगली राहते: पॉपकॉर्न एका प्रकारे मक्याचा पूर्ण दाणाच असतो, ज्यात त्याची सगळी तत्वे असतात, ज्यात कोंडाही असतो. तो खाल्ल्याने आपली पचनसंस्था चांगली राहते आणि अनेक समस्या दूर राहतात.

3. पॉपकॉर्न आपल्याला कॅन्सरपासून वाचवू शकतात: पॉपकॉर्नमध्ये पॉलिफिनॉलिक कंपाऊंड्स असतात, जे शक्तिशाली अॅंटी-ऑक्सिडंट्स मानले जातात आणि हे अॅंटी-ऑक्सिडंट्स आपल्या शरीरात कॅन्सर उत्पन्न होण्यापासून रोखतात.

4. त्वचाही राहते चांगली: पॉपकॉर्न खाल्लाने आपली त्वचाही चांगली राहते. यामुळे सुरकुत्या, एज स्पॉट, अंधत्व, मांसपेशींमध्ये कमजोरी, केस गळणे अशा समस्या दूर राहतात आणि आपण कायम तरूण दिसाल.

5. जाडेपणा कमी करा: पॉपकॉर्नमध्ये जास्त कॅलरी नसतात, त्यामुळे भूक लागल्यावर आपण जास्त पॉपकॉर्न खाल्ले तरी आपल्याला जास्त कॅलरी मिळणार नाहीत आणि आपले वजन वाढणार नाही.

6. हाडे मजबूत करा: पॉपकॉर्नमध्ये मँगनीज मुबलक प्रमाणात असते, ज्यामुळे आपली हाडे कायम मजबूत राहतात.

7. लोहाची कमतरता भरून काढा: एका संशोधनानुसार कळले आहे की 28 ग्रॅम पॉपकॉर्नमध्ये जवळपास 0.9 मिलिग्रॅम लोहाची मात्रा असते. यामुळे पॉपकॉर्न खाल्ल्यास आपल्या शरीरात लोहाची कमतरता राहणार नाही.

8. मधुमेहासाठी चांगले असतात पॉपकॉर्न: ज्यांना मधुमेहाची समस्या असते, त्यांच्यासाठी पॉपकॉर्न फार चांगले असतात. यात तंतूमय पदार्थ मुबलक प्रमाणात असतात, जे रक्तातील साखर आणि इन्सुलिन नियंत्रणात ठेवतात. यामुळे मधुमेहाच्या रुग्णांना पॉपकॉर्न खाण्याचा सल्ला दिला जातो.

News English Summary: Many people have a habit of eating popcorn while watching movies. Nowadays popcorn is available in many flavors. Porcorn is a great alternative to quench your hunger. Weight loss will be followed by fatigue and constant tiredness. But there are other benefits to eating popcorn

News English Title: Eating popcorn is beneficiary to our health news update article

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.