29 March 2024 6:28 PM
अँप डाउनलोड
बातम्या फ्लॅश
Numerology Horoscope | 30 मार्च 2024 | तुमची जन्म तारीख किती? अंकज्योतिष शास्त्र सांगेल तुमचा शनिवारचा दिवस कसा असेल Horoscope Today | तुमचे शनिवारचे राशिभविष्य | 30 मार्च 2024 | तुमच्या राशीनुसार तुमचा शनिवारचा दिवस कसा असेल जाणून घ्या Adani Power Share Price | अदानी पॉवर आणि रिलायन्स इंडस्ट्रीजमध्ये मोठा करार, शेअरमध्ये मजबूत वाढीचे संकेत Skipper Share Price | अल्पावधीत 510 टक्के परतावा देणारा शेअर खरेदीला ऑनलाईन धावपळ, नेमकं कारण काय REC Share Price | 1 वर्षात REC शेअरने 292% परतावा दिला, आता एका सकारात्मक बातमीने शेअर्स खरेदीला गर्दी Reliance Share Price | खुशखबर! भरवशाचा रिलायन्स इंडस्ट्रीज शेअर देईल 55 टक्केपर्यंत परतावा, तज्ज्ञांकडून फायद्याचे संकेत Reliance Power Share Price | शेअरची किंमत 28 रुपये, अवघ्या 15 दिवसांत 40% परतावा देणारा स्टॉक लवकरच मल्टिबॅगर?
x

कोरोनाची तिसरी लाट धोकादायक | लहान मुलांसाठी आयुष मंत्रालयाची गाईडलाईन जारी

Union Ayush Ministry

मुंबई, १७ जून | कोरोना महामारीच्या पहिल्या आण‍ि दुसर्‍या लाटेमुळे कित्येक लोकांचा मृत्यू झाला आहे. तर कोट्यवधी लोक कोरोनाच्या विळाख्यात सापडले आहे. द इकॉनॉमिस्टच्या अहवालानुसार, जगभरात कोरोनामुळे 70 लाख 1.3 कोटी मृत्यू झाल्याचा दावा केला आहे. टेस्टिंग आण‍ि रिपोर्टिंगच्या कमतरतेमुळे मृत्यूंच्या अधिकृत आकडेवारीत मोठी तफावत असल्याची शक्यतादेखील वर्तवली जात आहे. कोरोनाची खरी आकडेवारी सरकारने लपवली असून यामध्ये आफ्रिका, आशियाच नव्हे तर अमेरिका, ब्रिटन आण‍ि फ्रान्स देशांचादेखील समावेश आहे. कोरोनाच्या खबरदारीमुळे फ्लू आण‍ि अन्य कारणांमुळे होणारे मृत्यू कमी झाल्याचे अहवालात समोर आले आहे.

दुसरीकडे सरकारने ठरवलेल्या नियमांचे काटेकोरपणे पालन न झाल्यास येत्या एक-दोन महिन्यात राज्यात कोरोनाची तिसरी लाट येणार. ही शंका राज्य सरकारने नियुक्त केलेल्या कोरोना टास्क फोर्सने व्यक्त केली आहे. कोरोनाच्या तिसऱ्या लाटेबाबत आढावा घेण्यासाठी बुधवारी बैठक झाली. यात कोरोनाचा “डेल्टा प्लस” म्हणजेच AY.1 व्हेरिएंटमुळे राज्यात तिसरी लाट येण्याचा धोका मुख्यमंत्र्यांना सांगण्यात आला आहे.

दरम्यान, कोरोनाच्या तिसऱ्या लाटेचा लहान मुलांना सर्वाधिक धोका असल्याचं सांगितलं जात आहे. या पार्श्वभूमीवर लहान मुलांच्या बचावासाठी गाईडलाईन जारी करण्यात आली आहे. त्यात लहान मुलांची इम्युनिटी वाढवण्यावर अधिक जोर देण्यात आला आहे.

आयुष 64चा वापर:
गाईडलाईननुसार लहान मुलांचं त्यांच्या वयानुसार वर्गीकरण करण्यात आलं आहे. त्यात 10 ते 15, 5 ते 10 आणि 5 वर्षापासून त्या खालील मुलांचे गट निर्माण केले आहेत. मुलांना या वयोगटानुसारच औषध देण्यास सांगण्यात आलं आहे. ताप आला तर आयुष 64 हे औषध देण्याचं गाईडलाईनमध्ये नमूद करण्यात आल्याचं राजगोपाल यांनी सांगितलं.

आयुर्वेद बिहेविअर प्रोटोकॉल
मोठ्या माणसांप्रमाणेच लहान मुलांनीही बिहेविअर प्रोटोकॉलचा वापर सुरू करावा, असं गाईडलाईनमध्ये म्हटलं आहे. त्यानुसार आई-वडिलांना आयुर्वेदिक औषधांचा खास वापर करण्यास सांगण्यात आलं आहे. तसेच कोमट पाण्याने गुळण्या करण्याचा सल्लाही लहान मुलांना देण्यात आला आहे, असं राजगोपाल यांनी स्पष्ट केलं.

लहान मुलांकडे लक्ष द्या
आयुष मंत्रालयाच्या गाईडलाईनमध्ये लहान मुलांच्या हालचालींकडेही लक्ष देण्याच्या सूचना करण्यात आल्या आहेत. केवळ तापच नव्हे तर मुलांची अॅक्टिव्हिटी कमी झाली तरी तात्काळ डॉक्टरांना दाखवण्याच्या सूचना करण्यात आल्या आहेत.

मोहरीच्या तेलाचा वापर
गाईडलाईनमध्ये मोहरीच्या तेलाचा वापर करणे बंधनकारक केलं आहे. मोहरीचं तेल कोरोना संरक्षण कवच म्हणून काम करत असल्याचा दावा केला जात आहे. या तेलामुळे नाकातून कोरोनाचा संसर्ग होत नसल्याचंही बोललं जात आहे. लहान मुलांना या तेलाचा दररोज वापर करण्यास सांगण्यात आलं आहे.

मुलं एकटी राहू नयेत
कोरोनाचा संसर्ग झाल्यावर रुग्णांना साधारणपणे आयसोलेशनमध्ये पाठवलं जातं. अशावेळी लहान मुलांना आयसोलेट केलं तर त्यांच्यावर त्याचा विपरीत परिणाम होतो. त्यामुळे लहान मुलांवर विशेष लक्ष देण्यास सांगण्यात आलं आहे. त्यासाठी आयुष मंत्रालयाने पालकांसाठी वेगळी गाईडलाईन जारी केली आहे.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया महाराष्ट्रनामाला न विसरता ‘फॉलो (Follow) ‘ करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल. त्यामुळे आम्हाला नक्की फॉलो करा. महाराष्ट्रनामा नेहमीच वाचकाच्या पसंतीचे आणि निरनिराळ्या पण महत्वाच्या विषयांवरील लेख प्रसिद्ध करण्यास वचनबद्ध आहे.

News Title: Union Ayush Ministry issued guidelines to protect children from Covid 19 news updates.

हॅशटॅग्स

#Health(777)

संबंधित बातम्या

राहुन गेलेल्या बातम्या

x