कोरोना परिस्थितीचा आढावा | पंतप्रधानांची सर्व राज्यांच्या मुख्यमंत्र्यांसोबत व्हिडीओ कॉन्फरन्सिगद्वारे बैठक

नवी दिल्ली, १७ मार्च: देशात मंगळवारी 28,869 कोरोना पॉझिटिव्ह आढळले.17,746 बरे झाले आणि 187 जणांचा मृत्यू झाला आहे. अशा प्रकारे अॅक्टिव्ह केस म्हणजेच उपचार करत असलेल्या रुग्णांच्या संख्येत 10,935 ची वाढ झाली. नवीन संक्रमितांचा आकडा जवळपास तीन महिने मागे गेला आहे. यापेक्षा जास्त 30,354 केस 12 डिसेंबरला आल्या होत्या. मंगळवारी नवीन संक्रमितांमध्ये सर्वात जास्त 17,864 रुग्ण केवळ महाराष्ट्रातच आढळले होते.

देशात आतापर्यंत एकूण 1 कोटी 14 लाख 38 हजार 464 लोक या महामारीच्या विळख्यात सापडले आहेत. यामधून 1 कोटी 10 लाख 43 हजार 337 बरे झाले आहेत. 1 लाख 59 हजार 79 ने जीव गमावला आहे. तर 2 लाख 31 हजार 335 जणांवर उपचार सुरू आहेत.

दरम्यान, महाराष्ट्रासह देशातील अनेक राज्यांमध्ये कोरोना पुन्हा एकदा थैमान घालत असल्याचं दिसत आहे. महाराष्ट्रात कोरोनाची दुसरी लाट आली असून, इतर राज्यातील परिस्थितीही चिंताजनक होताना दिसत आहे. प्रसार रोखण्यासाठी केंद्राकडून महाराष्ट्रासह इतर राज्यात केंद्रीय पथकं पाठवली असून, आज पतंप्रधान नरेंद्र मोदी यांची सर्व राज्याच्या मुख्यमंत्र्यांसोबत बैठक होत आहे. दुपारी १२.३० वाजता व्हिडीओ कॉन्फरन्सिगद्वार ही बैठक होणार असून, मुख्यमंत्री उद्धव ठाकरेही बैठकीला उपस्थित राहणार आहेत.

महाराष्ट्रासह देशातील कोरोना रुग्णांचा आकडा दिवसेंदिवस वाढत चालला आहे. दुसरीकडे देशातील आकडाही झपाट्याने वाढू लागला आहे. इतर राज्यातही करोनाचा उद्रेक होत असल्यानं पंतप्रधानांनी तातडीने सर्व राज्यांच्या मुख्यमंत्र्यांसोबत बैठक बोलावली आहे. दुपारी १२.३० वाजता व्हिडीओ कॉन्फरन्सिगद्वारे होणाऱ्या बैठकीत करोनाचा प्रसार रोखण्यासाठीच्या उपाययोजना आणि लसीकरणासंदर्भात चर्चा होण्याची शक्यता आहे.

News English Summary: Today, Prime Minister Narendra Modi is holding a meeting with all the Chief Ministers of the state. The meeting will be held at 12.30 pm through video conferencing and Chief Minister Uddhav Thackeray will also be present at the meeting.

News English Title: Video conference over increasing Covid case in India PM Modi meeting with States Chief Ministers news updates.